09:21 am
تقریباً 50 کروڑ روپے ماہانہ کمانے والی جنوبی کوریا کی 6 سالہ یوٹیوبر ..

تقریباً 50 کروڑ روپے ماہانہ کمانے والی جنوبی کوریا کی 6 سالہ یوٹیوبر ..

09:21 am

سؤل،جنوبی سے تعلق رکھنے والے  6 سالہ یوٹیوبر  ، جن کے چینلز کے سبسکرائبر کی تعداد  30 ملین ہے، نے 6.4 ملین پاؤنڈ میں ایک 5 منزلہ ٹاور خریدا ہے۔
بورم نے 3 اپریل کو   9.5 ارب  وون میں گانگنام کے مضافات میں واقع عمارت کو خریدا تھا۔بورم اپنے دو یوٹیوب چینلز سے ماہانہ 2.5 ملین پاؤنڈ یا تقریباً 50 کروڑ روپے کماتی ہے۔ یہ عمارت بورم کے والدین نے اپنی بورم فیملی کمپنی کے ذریعے خریدی ہے۔
 
بورم ٹیوب وی لاگ (Boram Tube Vlog) کے سبسکرائبرز کی تعداد 17.5 ملین اور بورم ٹیوب ٹوائے ریویو(Boram Tube ToyReview) کے سبسکرائبر کی تعداد 13.6 ملین ہے۔ یہ دونوں چینلز بچوں کے لیے ہے۔ وی لاگ کے پیج پر بورم اپنی روز مرہ زندگی کے بارے میں بتاتی ہے جبکہ ٹوائے ریویو چینل کھلونوں پر تبصروں کے لیے ہے۔ ان دونوں چینلز نے انہیں جنوبی کوریا کی مقبول ترین یوٹیوبر بنا دیا ہے۔اُن کی ایک ویڈیو تو 376 ملین بار دیکھی جا چکی ہے۔ 2017 میں ایک مقامی تنظیم سیو دی چلڈرنز نے بورم کے والدین پر مقدمہ دائر کیا تھا۔ اُن کا موقف تھا کہ والدین اپنے مالی فائدے کے لیے بچوں کو ایسی صورتحال سے دوچار کر رہے ہیں، جس سے ان کے ذہنی دباؤ میں اضافہ ہو سکتا ہے۔

تازہ ترین خبریں