09:53 am
یورپی ممالک میں رہنے والے افراد کو انتہائی ترقی یافتہ اور روشن خیال تصور کیا جاتا ہے

یورپی ممالک میں رہنے والے افراد کو انتہائی ترقی یافتہ اور روشن خیال تصور کیا جاتا ہے

09:53 am

اسلام آباد(مانیٹرنگ ڈیسک) یورپی ممالک میں رہنے والے افراد کو انتہائی ترقی یافتہ اور روشن خیال تصور کیا جاتا ہے مگر آپ یہ جان کر حیران رہ جائیں گے کہ مغربی اقوام بہت زیادہ توہم پرست ہوتی ہیں۔ ان کی توہم پرستی کا اندازہ آپ اس بات سے لگا سکتے ہیں کہ مغربی معاشرے میں یہ تصور عام پایا جاتا ہے کہ جمعہ کا دن 13 تاریخ کو آئے تو یہ کسی بڑے خطرے کی علامت ہوتا ہے۔توہم پرستی کا یہ عالم ہے کہ تقریباً 72 فیصد لوگ سمجھتے ہیں کہ 13 تاریخ والے جمعے کے روز انہیں کسی بدقسمتی کا
 
سامنا کرنا پڑ سکتا ہے۔ اس دن لوگ ہر ممکن احتیاط کا اہتمام کرتے ہیں، یہاں تک کہ فضائی سفر سے بھی حتی المقدور حد تک گریز کرتے ہیں۔غیر ملکی خبر رساں ادارے کی رپورٹ کے مطابق اکثر مغربی ممالک میں 13 تاریخ کے جمعے کو یہ عالم ہوتا ہے کہ فضائی کمپنیوں کو ٹکٹ سستے کرنے پڑجاتے ہیں کیونکہ لوگ فضائی سفر سے حد درجہ اجتناب کرتے ہیں۔ ماہرین نفسیات کا اس حوالے سے کہنا ہے کہ جمعہ 13 تاریخ کے بارے میں یہ بات سال 1972ء میں جمعہ کے روز 13 تاریخ کو یوراگوائے ائیرفورس کی پرواز 571 کے ساتھ پیش آنے والے حادثے سے شروع ہوا۔ اس حادثے میں 45افراد ہلاک ہوگئے تھے، لیکن 16 افراد ایسے تھے جو زندہ بچ گئے مگر بنجر پہاڑوں میں زندہ رہنے کے لئے مرنے والے مسافروں کی لاشوں کو کھانے پر مجبور ہو گئےتھے۔اس واقعہ کے بعد مغربی باشندوں میں یہ وہم پیدا ہو گیا کہ 13تاریخ کو اگر جمعہ کا دن آجائے تو یہ منحوس ہوتا ہے۔