09:59 am
ائیر پورٹ پر سفا رتی اہلکار کے سامان سے بڑی تعداد میں ما رٹر شیل برآمد ، سیکورٹی اہلکار و ں کی دوڑیں لگ گئیں

ائیر پورٹ پر سفا رتی اہلکار کے سامان سے بڑی تعداد میں ما رٹر شیل برآمد ، سیکورٹی اہلکار و ں کی دوڑیں لگ گئیں

09:59 am

ماسکو: امریکی سفارتخانے کے اہلکار کے سامان سے مارٹر شیل برآمد کیا گیا ہے۔مقامی خبر رساں ایجنسی کے مطابق روسی دارالحکومت ماسکو کے مرکزی ایئرپورٹ پر سیکیورٹی حکام اس وقت دنگ رہ گئے جب انہوں نے امریکی سفارتخانے کے اہلکار کے سامان سے مارٹر شیل برآمد کیا۔خبر رساں ایجنسی نے وزارت خارجہ کے ذرائع کے حوالے سے بتایا کہ روس کے سب سے بڑے شرمیتیوو ایئرپورٹ پر سیکیورٹی اسٹاف کو مارٹر شیل سے ملتی کوئی چیز ملی۔بعدازاں بم ڈسپوزل اسکواڈ نے تصدیق کی کہ یہ مارٹر شیل ہے، جس کے ساتھ ڈیٹونیٹر بھی ہے
لیکن اس میں کوئی دھماکا خیز مواد نہیں تھا۔روس کی وزارت خارجہ نے سفارتی عملے کے سامان سے مارٹر شیل ملنے کو اشتعال انگیز قرار دیا۔فرانسیسی خبر رساں ایجنسی اے ایف پی کے مطابق روسی وزارت خارجہ کے ذرائع نے کہا کہ ایسا محسوس ہوتا ہے کہ امریکا نے اب بیرون ملک کے بعد روس کی سرحدوں میں بھی ہماری سیکیورٹی کا ٹیسٹ کرنے کا فیصلہ کیا ہے۔امریکی سفارتخانے کے رکن نے اپنی صفائی پیش کرتے ہوئے کہا کہ یہ مارٹر شیل انہوں نے اپنے ذاتی مجموعے میں بطور شوق جمع کرنے کیلئے لیا ہے اور اسی وجہ سے وہ اپنی اصل فلائٹ سے ہاتھ دھو بیٹھے تھے اور انہیں اگلی پرواز سے سفر کرنا پڑا۔وزارت خارجہ کے ذرائع کا مزید کہنا تھا کہ مذکورہ فرد کے امریکی فوج سے تعلقات ہیں۔روس کا کہنا ہے کہ انہوں نے امریکی سفارتخانے کو خط لکھ دیا ہے اور ان کے جواب کے منتظر ہیں۔

تازہ ترین خبریں