09:54 am
حماس، فلسطین اور القدس کو اخوان کی بھینٹ چڑھانا چاہتی ہے، صائب عریقات

حماس، فلسطین اور القدس کو اخوان کی بھینٹ چڑھانا چاہتی ہے، صائب عریقات

09:54 am

ماسکو(این این آئی)تنظیم آزادی فلسطین پی ایل او کے سیکرٹری صائب عریقات نے اسلامی تحریک مزاحمت حماس پر شدید تنقید کرتے ہوئے تنظیم پر فلسطین اور القدس کو اخوان المسلمون کے لیے قربانی کا بکرا بنانے کا الزام عاید کیا ہے۔روسی ٹی وی کو ایک انٹرویو میں صائب عریقات نیغزہ کی حکمراں حماس پرکڑی نکتہ چینی کی۔ اْنہوں نے کہا کہ حماس اپنے سیاسی مقاصد کے حصول کے لیے القدس اور فلسطین کو ایسے ہی قربان کرنا چاہتی ہے جس طرح عبادت گاہوں پرچڑھاوے چڑھائے جاتے ہیں۔انہوں نے کہا کہ جس ملک میں بھی اخوان کے حامی لوگ اقتدار پر فائز

ہوں گے وہ غزہ میں حماس کے اقتدار کی حمایت کریں گے۔ اب یہ سلسلہ ختم ہونا چاہیے۔ القدس اور قضیہ فلسطین کو اہمیت دی جانی چاہیے کیونکہ القدس اور فلسطین کسی معبد کے لیے قربانی کا جانور نہیں اور نہ ہی انہیں سیاسی مقاصد کے لیے استعمال کیا جا سکتا ہے۔ایک اور سوال کے جواب میں صائب عریقات نے کہا کہ یہ فلسطینی قوم کا ایک رِستہ ہوا زخم اور فلسطینیوں کے لیے مصیبت ہے کہ حماس اخوان المسلمون کا حصہ ہے۔ ہم چیخ چیخ کر دنیا کو کہہ رہے کہ القدس اور فلسطین سب سے مقدم ہے۔پی ایل او کے سیکرٹری نے حماس پر زور دیا کہ وہ فلسطینی قوم پر اخوان کی بین الاقوامی لیڈر شپ کے فیصلے مسلط کرنے کے بجائے عوام کی رائے کا احترام کرے۔ میں حماس سے کہتا ہوں کہ آپ فلسطینی قوم کا حصہ ہیں۔ اب وقت آ گیا ہے کہ 12 اکتوبر 2017ء کو مصر کی نگرانی میں طے پائے قومی مصالحتی معاہدے پر اس کی روح کے مطابق عمل درآمد کرایا جائے۔

تازہ ترین خبریں