11:10 am
امریکہ میں ایک دن میں کورونا سے 1ہزار سے زائد ہلاکتیں

امریکہ میں ایک دن میں کورونا سے 1ہزار سے زائد ہلاکتیں

11:10 am



واشنگٹن(مانیٹرنگ ڈیسک)خطرناک وائرس نے امریکا کو جکڑ رکھا ہے جہاں کورونا وائرس مزید 1 ہزار سے زائد جانیں نگل گیا 1 ہزار 48 اموات کے بعد امریکہ میں ہلاکتوں کی مجموعی تعداد 8 ہزار 452 ہو گئی ہے۔  امریکی صدر ڈونلڈ ٹرمپ نے کہا ہے کہ آنے والے دو ہفتے مزید ہلاکت خیز ہوں گے، معروف مفکر نوم چومسکی نے بروقت اقدامات نہ کرنے پر صدر ٹرمپ کو سماج سے نفرت کرنے والا مسخرہ قرار دے دیا۔دنیا میں سب سے زیادہ وسائل والا ملک کورونا وائرس کے سامنے بے بس نظر آرہا ہے،
امریکی ریاستوں میں نیویارک سب سے زیادہ متاثر ہے جہاں ایک روز میں 630 ہلاکتیں ہوئیں، مرنے والوں کی تعداد 35 سو سے بڑھ گئی۔ متاثرہ افراد کی تعداد ایک لاکھ 15 ہزار تک پہنچ گئی، ریاست کے گورنر نے آنے والے دنوں میں بڑے نقصان کا خدشہ ظاہر کیا ہے۔نیو جرسی میں ہلاکتیں 9 سو کے قریب پہنچ گئیں، مریضوں کی تعداد 34 ہزار سے بڑھ گئی، مشی گن مہلک وائرس سے متاثر ہو نے والی تیسری بڑی ریاست ہے، مرنے والے 5 سو زائد ہیں اور 14 ہزار سے زائد مریض ہیں۔امریکی صدر ڈونلڈ ٹرمپ نے کہا ہے کہ آنے والے دو ہفتے مزید ہلاکت خیز ہو ں گے، انہوں نے مزید کہا بدقسمتی سے بہت ساری اموات ہوں گی۔معروف دانشور نوم چومسکی نے بروقت اقدامات نہ کرنے پر صدر کو آڑے ہاتھوں لیتے ہوئے ڈونلڈ ٹرمپ کو سماج سے نفرت کرنے والا مسخرہ قرار دے دیا۔