03:34 pm
نیوزی لینڈ پولیس میں مسلم خواتین کی شمولیت کے لئے حجاب کو پولیس یونیفارم کا حصہ بنادیا گیا

نیوزی لینڈ پولیس میں مسلم خواتین کی شمولیت کے لئے حجاب کو پولیس یونیفارم کا حصہ بنادیا گیا

03:34 pm

آکلینڈ(ویب ڈیسک )نیوزی لینڈ پولیس میں زیادہ سے زیادہ مسلم خواتین کی شمولیت کے لئے حجاب کو پولیس یونیفارم کا حصہ بنادیا گیا۔ نیوزی لینڈ پولیس میں نئی بھرتی ہونے والی کانسٹیبل زینا علی ملکی تاریخ کی پہلی باحجاب خاتون پولیس اہلکار ہیں۔تفصیلات کے مطابق پولیس ترجمان کے مطابق پولیس یونیفارم میں حجاب کے باضابطہ طور پر شامل کئے جانے کا مقصد ایک متنوع برادری کی عکاسی کرتی جامع خدمات کی تشکیل ہے۔ نیوزی لینڈ پولیس کے مطابق حجاب کو یونیفارم میں
باضابطہ طور پر شامل کئے جانے کا فیصلہ 2018 میں پولیس اسٹاف کی جانب سے موصول درخواست پر کیا گیا۔ نیوزی لینڈ پولیس کے مطابق مسلم خواتین کو ترغیب دینے کے لئے حجاب پولیس یونیفارم کا حصہ بنادیا گیا ہے۔واضح رہے کہبحر الکاہل کے جزیرے فجی میں پیدا ہونے والی کانسٹیبل زینا علی بچپن میں ہی فیملی کے ہمراہ نیوزی لینڈ شفٹ ہوگئی تھیں ۔زینا علی نے غیر ملکی خبر رساں ادارے سے بات کرتے ہوئے کہا کہ کرائسٹ چرچ پر قاتلانہ حملےکے بعد میں نے پولیس
ڈیپارٹ جوائن کرنے کا فیصلہ کیا۔انہوں نے کہا کہ میں نے محسوس کیا کہ زیادہ سے زیادہ مسلم خواتین کو محکمہ پولیس میں شامل ہونے کی ضرورت ہے تاکہ لوگوں کی مدد کرسکیں۔زینا کے مطابق انہیں حجاب کو یونیفارم میں باضابطہ طور پر شامل دیکھ کر فخر محسوس ہورہا ہے، امید ہے کہ دیگر مسلم خواتین بھی اس سے متاثر ہوکر پولیس کا حصہ بننے میں فخر محسوس کریں گی۔
 

تازہ ترین خبریں