کے قیام سے متعلق امریکی منصوبے کی ناکامی کی وجوہات پر بحث جاری ہے۔ امریکہ بلا شبہ دنیا میں سب سے بڑا "جنگ پسند" ملک ہے۔ امریکی تاریخ یوں تو صرف 240 سال قدیم ہے، تاہم اس عرصے کے دوران بھی مریکہ اب تک 200 سے زائد جنگوں کا آغاز کرچکا ہے یا ان میں شامل رہا۔ امریکی بالادستی کی حفاظت کیلئے امریکہ کے بعض سیاستدان عسکری طریقے سے دیگر ممالک کے داخلی امور میں مداخلت، امریکی نقطہ نظر کے پرچار اور دوسرے ممالک کی حکومتوں کو ختم کرنے کی جستجو میں مصروف رہتے ہیں۔ یہی وجہ ہے کہ عسکری قوت پر اعتماد امریکی بالادستی کی نمایاں خصوصیت بن چکا ہے۔گزشتہ 20 سال کے دوران امریکہ "انسداد دہشتگردی" کے نام پر کبھی دنیا کے ایک حصے میں تو کبھی دوسرے ملک میں جنگ لڑتا چلا آ رہا ہے اور امریکی فوج سے منسلک کاروباری ادارے اس صورتِ حال سے بھرپور استفادہ کرتے ہوئے مسلسل دولت کے انبار لگارہے ہیں۔ امریکہ اپنے نقطہ نظر کے مطابق دوسرے ممالک کے نظام حکومت کو تبدیل کرنے کی کوشش بھی کرتا رہا ہے، لیکن امریکی نام نہاد جمہوری ماڈل کو دوسرے ممالک میں منتقل کرنے کی تمام کوششیں نہ صرف ہمیشہ ناکام ثابت ہوئیں، بلکہ ان ممالک کے عوام کو بھی ناقابلِ تلافی نقصان پہنچا۔ عالمی برادری کا جنگی جنون میں مبتلاء امریکہ سے مطالبہ ہے کہ وہ افغانستان میں 20 سال تک جاری رہنے والی ناکام جنگ کی وجوہات تلاش کرنے کی کوشش کرے۔