مخصوص طرح کا چمڑے کا کوٹ پہنتے ہیں۔ انہوں نے 2019ءمیں یہ کوٹ پہننا شروع کیا تھا جس کے بعد یہ شہریوں میں بھی مقبول ہونا شروع ہو گیا مگر اب شمالی کورین حکومت کی طرف سے ملک میں اس کوٹ پر پابندی عائد کر دی گئی ہے جس کی وجہ ایسی ہے کہ سن کر آپ حیران رہ جائیں گے۔ میل آن لائن کے مطابق مقبولیت کے پیش نظر ملک میں یہ کوٹ سستے مواد سے بھی تیار کیا جا رہا ہے تاکہ جو لوگ اصلی چمڑے کا بنا کوٹ خریدنے کی سکت نہیں رکھتے وہ اس کی نقل خرید کر اپنا شوق پورا کر لیں مگر شمالی کورین حکومت نے اسے کم جونگ ان کی تضحیک اور ان کے درجے کو کمتر کرنے کی کوشش گردانتے ہوئے اس پر پابندی عائد کر دی ہے۔رپورٹ کے مطابق کہا جا رہا ہے کہ چونکہ لوگ یہ کوٹ پہن کر کم جونگ ان کی طرح نظر آنے اور ان جیسا بننے کی کوشش کرتے ہیں جس سے کم جونگ ان کی تضحیک کا پہلو نکلتا ہے اور ان کی مقتدریت پر حرف آتا ہے لہٰذا فیشن پولیس کو ملک بھر میں متحرک کر دیا گیا ہے جو دکانوں پر چھاپے مار کر یہ کوٹ اٹھا رہی ہے تاکہ لوگ انہیں نہ خرید سکیں۔ اس کے علاوہ یہ کوٹ بنانے والوں کے خلاف بھی کارروائی کا اعلان کر دیا گیا ہے۔ ریڈیو فری ایشیاءکے مطابق شمالی کورین فیشن پولیس کی طرف سے کہا گیا ہے کہ ”ملک کے سپریم لیڈر جیسا نظر آنے کی کوشش ان کی اتھارٹی کو چیلنج کرنے کے مترادف ہے لہٰذا ایسا کرنے والے لوگوں کے خلاف کارروائی کی جائے گی۔“ واضح رہے کہ شمالی کوریا میں شہریوں کی زندگیوں پر حکومت کا مکمل کنٹرول ہے۔ حتیٰ کہ حکومت ہیئر کٹ کے متعلق بھی ہدایات جاری کرتی ہے کہ شہریوں کو کس طرح کے بال کٹوانے چاہئیں اور کس طرح کے نہیں۔