دفاع میں بول پڑی ہیں۔ میل آن لائن کے مطابق ’ماریا وی‘ (Maria V)کے نام سے بنائے گئے ایک سوشل میڈیا اکاؤنٹ سے صدر پیوٹن کے یوکرین پر حملے کے فیصلے کا دفاع کیا جا رہا ہے اور اس اکاؤنٹ کے متعلق کہا جاتا ہے کہ یہ صدر پیوٹن کی 37سالہ بیٹی ماریا کا اکاؤنٹ ہے۔رپورٹ کے مطابق اس اکاؤنٹ سے کی جانے والی پوسٹس میں یوکرین اور مغربی ممالک پر شدید غصے کا اظہار کرتے ہوئے کہا جا رہا ہے کہ مغربی ممالک روس کو ترقی کرتے ہوئے نہیں دیکھنا چاہتے۔ مغربی ممالک نے ہمیشہ اس بات کو یقینی بنانے کی کوشش کی ہے کہ روس خوشحال نہ ہو۔ اس کے باوجود روس نے ترقی کی ہے اور کرتا رہے گا۔ ایک پوسٹ میں لکھا گیا ہے کہ ”ہر چیز کا ذمہ دار کسی ایک شخص کو قرار دے دینا سراسر زیادتی ہے۔ جنہیں مظلوم کہا جا رہا ہے، ان کی طرف سے ہونے والی غلطیوں اور جرائم کا بھی ادراک کیا جانا چاہیے۔ہم 1930ءکی دہائی والے جرمن نہیں ہیں۔ “ رپورٹ کے مطابق دو ذرائع نے تصدیق کی ہے کہ یہ اکاؤنٹ صدر پیوٹن کی بیٹی ماریا ہی کا ہے۔ واضح رہے کہ ماں باپ کی علیحدگی کے بعد صدر پیوٹن کی دونوں بیٹیاں اپنی الگ شناخت سے زندگی گزار رہی ہیں اور ان کا صدر پیوٹن یا روسی حکومت سے کوئی واجبی تعلق بھی نہیں ہے۔ اس کے باوجود یوکرین پر حملے کے بعد امریکہ کی طرف سے ان دونوں پر بھی پابندیاں عائد کی گئی ہیں۔ صدر پیوٹن جب اقتدار میں آئے تھے تو ابتدائی عرصے میں ہی ان کی 30سالہ ازدواجی زندگی طلاق پر ختم ہوگی تھی۔ ان کی سابق اہلیہ لیود میلاشکر یبنیووا اور بیٹیاں ماریا اور ایکترینا اس کے بعد سے الگ زندگی گزار رہی ہیں اور بیٹیوں کو بھی اس کے بعد کبھی اپنے باپ کے ساتھ نہیں دیکھا گیا۔ ماں باپ کی طلاق کے وقت دونوں بہنیں نوعمر تھیں تاہم اب دونوں عمر کی تیس کی دہائی میں ہیں۔