07:46 am
بٹ کوائن حرام ہے۔ مفتی اعظم مصر کا فتویٰ

بٹ کوائن حرام ہے۔ مفتی اعظم مصر کا فتویٰ

07:46 am

مفتی اعظم مصر شوقی ابراہیم عبدالکریم نے  کرپٹو  کرنسی بٹ کوائن کو حرام قرار دے دیا ہے۔ انہوں نے فتویٰ دیا ہے کہ آن لائن لین  دین اور سرمایہ کاری کے لیے استعمال ہونے والی کرپٹو کرنسی بٹ کوائن  حرام ہے۔ان کاکہنا تھا کہ نقصان اور آسانی سے دھوکہ دہی کے لیے استعمال ہونے کے سبب اس کرنسی کا استعمال شریعت میں  جائز نہیں۔
حالیہ دنوں میں کرپٹو کرنسی بٹ کوائن میں اتار چڑھاؤ کے باعث بہت سے لوگوں کو جہاں فائدہ ہوا ہے، وہاں نقصان بھی ہوا ہے۔
 
اس وقت دنیا بھر میں بٹ کوائن کے ساتھ دیگر ایک ہزار سے زائد کرپٹو کرنسیز ہیں۔ کرپٹو کرنسیز کی مارکیٹ کا حجم اس وقت 600 ارب ڈالر ہے۔ کرپٹو کرنسی پر حکومت کنٹرول نہ ہونا اس کا ایک بہت بڑا فائدہ ہے تو یہی اس کانقصان بھی ہے۔ حکومت کنٹرول اور ٹریک نہ ہونے کے باعث زیادہ تر غیر قانونی کام کرپٹو کرنسیز میں ہوتے ہیں۔

تازہ ترین خبریں