11:49 am
 کھیری دریالہ تابھیڑہ گڑھا روڈ  کی تعمیر  معیاری کی جائے،عوامی حلقے

کھیری دریالہ تابھیڑہ گڑھا روڈ کی تعمیر معیاری کی جائے،عوامی حلقے

11:49 am

کھیری دریالہ تابھیڑہ گڑھا روڈ کی تعمیر معیاری کی جائے،عوامی حلقے 6کلو میٹر سڑک پر شولڈر یعنی گولا بالکل ہی نہیں لگایا گیا،حکام فوری نوٹس لیں برنالہ (تحصیل رپورٹر)یونین کونسل ملوٹ کے گائوں کھیری دریالہ تابھیڑہ گڑھا روڈ محکمہ شاہرات کی عدم توجہ کا شکار،سڑک تعمیر کاایک سال بھی مکمل نہ کرسکی۔تفصیلات کے مطابق تحصیل برنالہ کی یونین کونسل ملوٹ کے علاقے کھیری دریالہ تابھیڑہ گڑھاروڈ جو گزشتہ سال ہی پختہ کی گئی تھی ۔جس کا کچھ حصہ ابھی تک نامکمل ہے۔6کلو میٹر سڑک پر شولڈر یعنی گولا بالکل ہی نہیں لگایا گیا۔ فرش نہیں ڈالے گے اس کے علاوہ پینٹڑہ نالہ پر منظور شدہ پلی بھی نہیں بنائی گئی۔بھیڑہ نالہ کے آس پاس سڑک انتہائی ناقص تعمیر کی گئی ہے۔سڑک کا کچھ حصہ گزشتہ سال ہی برسات کی نظر ہو گیا تھا۔سڑک کناروں سے ٹوٹ پھوٹ کا شکار ہو گئی ہے۔تاریخ میں ایسی مثال نہیں ملتی جس سڑک پر نالوں کا گھیڑہ ڈالا گیا ہو اورگولا دونوں اطراف نہ لگایا گیا ہو۔اہلیان کھیری دریالہ بھیڑہ اور کھنڈ نے وزیر ہائر ایجوکیشن کرنل وقار احمد نور سے مطالبہ کیا ہے کہوہ ذاتی دلچسپی لیتے ہوئے سڑک کاکام فوری مکمل کروائیں۔اگر سڑک کے دونوں اطراف حفاظتی گولے تعمیرنہ کئے گئے تو موسم برسات میں سڑک بارش کی طغیانی کا سامنا نہیں کر سکے گی۔اور اتنے بڑے علاقے کا رابطہ باقی علاقوں سے منقطع ہو جائے گا۔عوام علاقہ کا مطالبہ ہے کہ سڑک کی ناقص اور نامکمل تعمیر پر ٹھیکیدار اور محکمہ شاہرات کے افسران سے باز پرس کی جائے گی۔اور اس میں ملوث عناصر کو بے نقاب کیا جائے۔ بھیڑہ گڑھا روڈ