12:10 pm
 بھیڈی میں محکمہ خوراک کا سپلائی ڈیلر مہنگا آٹا بیچنے لگا ہے،شکر دین

بھیڈی میں محکمہ خوراک کا سپلائی ڈیلر مہنگا آٹا بیچنے لگا ہے،شکر دین

12:10 pm

بھیڈی میں محکمہ خوراک کا سپلائی ڈیلر مہنگا آٹا بیچنے لگا ہے،شکر دین غریب عوام سے ڈنکے کی چوٹ پر 110روپے فی تھیلی زائد وصول کیے جا رہے ہیں باغ(نمائندہ خصوصی)یونین کونسل بھیڈی میں محکمہ خوراک کا سپلائی ڈیلر مہنگے داموں آٹا فروخت کر رہا ہے غریب عوام سے 110روپے فی تھیلی زائد وصول کیے جا رہے ہیں چار دیہاتوں کائیاں،بیاڑاں،خواجہ بانڈی،لڑی لڑداراں،میں مقامی ڈیلر ہونے کے باوجود الگ الگ جگہ پر آٹا فروخت کرتا ہے جبکہ ایک جگہ ایک ہی ڈیلر آٹا فروخت کر سکتا ہے مگر نذر دین اعوان نامہ ڈیلر نے اپنی مرضی سے آٹے کا ریٹ فی تھیلی 850روپے مقرر کر رکھا ہے اور عوام کو سخت تنگ کرتا ہے ان خیالات کا اظہار لڑی لڑداراں کے رہائشی چوہدری شکر دین،چوہدری غلام محمد،لیاقت اعوان،رفیق اعوان،عبدالقیوم ،چوہدری نیک محمد،چوہدری الف دین،مشتاق شاہ،راجہ عبدالرشید،چوہدری رشید،چوہدری نذیر،محمد شہزاد،رعالم دین اور دیگر نے اپنے تحریری بیان میں کیا انہوں نے کہا کہ چوہدری محمد عزیز نے لڑی لڑداراں روڈ عوام کی سہولت کے لیے نکالی ہے نہ کہ عوام کو لوٹنے کے لیے انہوں نے محکمہ خوراک سے مطالبہ کیا ہے کہ یونین کونسل بھیڈی میں عوام کو مینگے داموں آٹا فروخت کرنے کے خلاف کاروائی کی جائے اور ایک ہی ڈیلر کے بجائے مقامی ڈیلروں کو آٹا مہیا کیا جائے اور مقررہ قیمت پر آٹے کی فروخت یقینی بنائی جائے۔

تازہ ترین خبریں