12:29 pm
مردخاندان کی کفالت، عورت  قوم کی تعمیر کرتی ہے،راشدہ عصمت

مردخاندان کی کفالت، عورت قوم کی تعمیر کرتی ہے،راشدہ عصمت

12:29 pm

مردخاندان کی کفالت، عورت قوم کی تعمیر کرتی ہے،راشدہ عصمت حویلی کہوٹہ(ڈسٹرکٹ رپورٹر) گرلز مڈل سکول رینکڑی پائین میں طالبات کے والدین سے خطاب کرتے ہوئے ادارہ ہذا کی صدر معلمہ سیدہ راشدہ عصمت کہا کہ مردخاندان کی کفالت کرتے ہوئے ایک خاندان کو آگے لے کر چلتا ہے لیکن عورت پوری قوم کی تعمیر کرتی ہے اس لیے ہمیں اپنی بچیوں کی تعلیم پر خصوصی توجہ دینی چاہیے ۔اساتذہ ،طلباء اور والدین ایک تکون ہے اور یہ مل کر ہی بچوں کی تعلیمی ضروریات پوری کر سکتے ہیں ۔بچیوں کی تعلیم پر توجہ دینے کی اشد ضرورت ہے والدین بچوں کو تعلیمی اداروں میں بیج کر تمام تعلیمی سرگرمیوں کی ذمہ داری اساتذہ پر ڈال دیتے ہیں جو کسی بھی صور ت میں درست نہیں ۔صرف بچوں کوسکول بھیج دینے سے والدین کی ذمہ داری پوری نہیں ہوتی گھر میں بھی بچوں پر نظر رکھنی چاہیے اور کم از کم مہینے میں ایک مرتبہ سکول میں آ کر بچوں کی پراگرس کے بارہ میں اساتذہ سے پوچھنا چاہیے ۔صدر معلمہ نے اس موقع پر سکول کو درپیش مسائل سے طالبات کے والدین کو آگاہ کیا اور متفقہ طور پر سکول منیجمنٹ کمیٹی (SMC )کا انعقاد بھی عمل میں لایا ۔جس کے مطابق کمیٹی کے صدر نوید ظفر نیازی ،سیکرٹری سربراہ ادارہ سیدہ راشدہ عصمت،سیکرٹری مالیات محمد شرافت جنجوعہ،ممبران لطیف کیانی،صوبیدار محمد لطیف،صبا ء جاوید، صغیر النساء اور سیکرٹری نشرواشاعت بھی نوید نیازی کو بنایا گیا ۔

تازہ ترین خبریں