10:22 am
 کشمیریوں پر جاری بھارتی مظالم کی روک تھام ضروری ہے،مولانا امتیاز عباسی

کشمیریوں پر جاری بھارتی مظالم کی روک تھام ضروری ہے،مولانا امتیاز عباسی

10:22 am

کشمیریوں پر جاری بھارتی مظالم کی روک تھام ضروری ہے،مولانا امتیاز عباسی 19ستمبر کو آزادی کشمیر کانفرنس منعقد کریں گے، جنرل سیکرٹری جمعیت علما اسلام جموں کشمیر دھیرکوٹ(نمائندہ اوصاف)جمعیت علما اسلام جموں کشمیر کے زیر اہتمام 19ستمبر کو آزادی کشمیر کانفرنس وقت کی ضرورت ہے۔ اس وقت ہندوستان مظلوم کشمیریوں کے ساتھ جو سلوک کر رہا ہے اس کی روک تھام نہیں ہو سکی۔عالم اسلام اور عالمی طاقتوں کی خاموشی کی وجہ سے اس نے مسلمانوں پر مزید ظلم و ستم کے پہاڑ توڑنے شروع کردیئے ہیں جس میں اس کی اپنی ریاست آسام بھی شامل ہے جس میں لوگوں کو بے گھر کیا جا رہا ہے۔ان خیالات کا اظہار جمعیت علما اسلام کے جنرل سیکرٹری مولانا امتیاز عباسی، سابق امیدوار اسمبلی مولانا سلیم اعجاز و دیگر نے تحصیل باڈی کے کارکنوں کے اجلاس کے بعد اپنی پریس کانفرنس میں کیا۔مولانا امتیاز عباسی نے کہا کہ بھارت سفارتی محاذ پر کمزور ہونے کے بجائے طاقتور ہو رہا ہے جسے کسی دبائو کا سامنا نہیں۔حکومت پاکستان وکیل ہونے کی حثییت سے ناکام ہو چکی ہے۔عمران خان کو عالمی اسٹبلشمنٹ کی حمایت حاصل ہے کشمیر میں سودے بازی ہو رہی ہے۔ کچھ ہو چکی ہے۔ اس ساری صورت حال میں جمعیت علما اسلام پاکستان کے امیر مولانا فضل الرحمٰن کشمیر کانفرنس میں چھپے ہوئے رازوں سے پردہ اٹھائیں گے اور ریاستی عوام کو اس پار بسنے والے کشمیریوں کے ساتھ ہونے والی سازشوں سے آ گاہ کیا جائے گا۔اس وقت بھارت کے خلاف ایل او سی کی طرف سے بیان آناناکافی ہے۔28دن سے کشمیریوں کو محاصرے میں رکھا ہوا ہے۔ہماری حکومت آئے روز ٹیلیفونک رابطے کر رہی ہے لیکن بھارت کو دبائو ڈالنے کے لیے کوئی تیار نہیں کر سکی اور نہ ہی اپنی فضائی حدود بھارت کے لیے پابندی لگائی گئی ہے۔ نہ سفارتی تعلقات منقطع کیے گئے ہیں جس سے اندازہ ہو رہا ہے کہ زبانی جمع خرچ کے علاوہ عملاً کچھ نہیں ہو رہا۔ وزیراعظم آذاد کشمیر واپس آ کر کشمیریوں کے ساتھ عملی ہمدردی کا اظہار کریں۔ جن سے ہمیں توقع تھی وہ کچھ نہیں کر سکے۔ سیز فائر لائن توڑنے کے لیے لوگ وزیراعظم کے اعلان کا بے تابی سے انتظار کر ہے ہیں۔اس کے سوا کشمیری عوام کے پاس کوئی چارہ کار نہیں۔ مولانا امتیاز عباسی

تازہ ترین خبریں