10:31 am
بھارتی مظالم کے خلاف تمام جماعتوں کا اتحاد ضروری ہے،خادم حسین

بھارتی مظالم کے خلاف تمام جماعتوں کا اتحاد ضروری ہے،خادم حسین

10:31 am

بھارتی مظالم کے خلاف تمام جماعتوں کا اتحاد ضروری ہے،خادم حسین مقبوضہ کشمیر میں کرفیو کے باعث ستائیس دن سے ادویات اورخوراک نہیں مل رہی کھوئی رٹہ(نمائندہ اوصاف) پیپلز پارٹی آزادکشمیر کی سینٹرل ایگزیکٹو کمیٹی کے ممبراور مرکزی رہنما چوہدری خادم حسین نے کہا ہے کہ ایک پلیٹ فارم پر پوری کشمیری قوم کا اکھٹا ہونا وقت اہم ضرورت ہے آزادی کے بیس کیمپ کے اندر تمام جماعتوں پر مشتمل ایک عبوری حکومت تشکیل دی جائے جو صرف تحریک آزادی کشمیر کیلئے اپنی جدوجہد کرے اگر اب بھی ہم نے کچھ نہ کیا تو تاریخ ہمیں معاف نہیں کریگی آج ستائیس دن ہو گئے ہیں مقبوضہ کشمیر کے اندر کرفیو لگا ہوا ہے اور بھارت نے ظلم وبربریت کا بازار گرم کر رکھا ہے لوگ اپنے پیاروں کی لاشیں اپنے گھروں میں دفن کر رہے ہیں مقبوضہ کشمیر کی موجودہ صورت پر آزادکشمیر کی حکومت خاموش ہے اُن کو ایمرجنسی نافذ کرنی چاہیے اور کشمیر یوں کیلئے عملی کام کرنا چاہیے کشمیری شہید ہو رہے ہیں اُن کے اوپر ظلم کے پہاڑ توڑے جا رہے ہیں ادویات ختم ،خوراک نہیں مل رہی بچے بھوک سے بلک رہے ہیں مگر حکومت پاکستان کہہ رہی ہے ہم اپ کے ساتھ کھڑے ہیں صرف کہنے سے کھڑے رہنے سے کوئی فائدہ نہیں جب تک عملی طور پر ثبوت نہ دے ان خیالات کا اظہار انہوں نے کھوئی رٹہ پریس کلب کے صحافیوں سے گفتگو کرتے ہوئے کیا،انہوں نے کہاکہ حکومت پاکستان سیاسی سفارتی کوششوں کے ساتھ ساتھ عملی طور پر مدد کیلئے پہنچے پاکستان پیپلز پارٹی تحریک آزادی کشمیر کیلئے اپنا بھرپور کردار ادا کررہی ہے ۔ خادم حسین

تازہ ترین خبریں