اپنے مقبوضہ کشمیرکے بھائیوں کو اکیلانہیں چھوڑیں گے ،طاہر مرزا دنیاکےبڑےدہشتگرد ملک بھارت نے کشمیریوں کے حقوق پرشب خون ماراہواہے میرپور(بیورورپورٹ)ایڈ منسٹریٹر میونسپل کارپوریشن طاہر محمود مرزا نے کہا کہ ہم اپنے مقبوضہ کشمیرکے بھائیوں کو اکیلانہیں چھوڑیں گے بھارت مکار،ظالم ، جابراور دنیاکابڑادہشت گرد ملک ہے جس نے گذشتہ 72 سالوں سے کشمیریوں کے حقوق پرشب خون ماراہواہے۔ مسئلہ کشمیر کشمیری عوام کی خواہش کے مطابق جلد حل ہو گا ۔ اب وہ دن دور نہیں جس کا انتظا ر کشمیری کب سے کررہے ہیں۔اس بات کا واضع ثبوت پاکستانی اور کشمیری عوام کے کشمیر کے حق میں مظاہروں نے دنیا بھر میں کر دیا ہے ۔ کشمیری عوام کے حق خودارادیت کو دنیا کی کوئی طاقت پامال نہیں کر سکتی کیونکہ کشمیری عوام تنہا نہیں کشمیر ی اور پاکستانی عوام پاک فوج کے شانہ بشانہ کھڑے ہیں،عالمی دنیامقبوضہ ریاست کے حالات اور نزاکت کاجائزہ لے اور مسئلہ کشمیر اقوام متحدہ کی قراردادوں اور کشمیریوں کی امنگوں کے مطابق حل کروانے میں اپناکردار اداکرے۔ ان خیالا ت کا اظہار انھوں نے مختلف وفد سے بات چیت کرتے ہوئے کیا انھوں نے کہا کہ عالمی طاقتیں بے گناہ کشمیریوں پر بھارتی جارحیت کا فوری نوٹس لے اور مسئلہ کشمیر کو کشمیریوں کی امنگوں کے مطابق جلد حل کروائے ۔عالمی برادری کی خاموشی لمحہ فکریہ ہے ۔بھارت کا مکروہ چہرہ اب سب کے سامنے آچکا ہے اور اس مسئلہ پر مزید خاموشی دو ایٹمی قوتوں کے درمیان جنگ کو ابھار سکتا ہے مقبوضہ کشمیرمیں اس کالے قانون کے نفاذ سے تحریک آزادی کی جدوجہد تیز تر ہوگئی ہے اب وقت آگیاہے کہ کشمیری عوام کوان کاپیدائشی حق خودارادیت دیاجائے۔ ہم مقبوضہ کشمیرکے بھائیوں کے لیے کسی بھی قربانی سے دریغ نہیں کریں گے۔آزادی کشمیریوں کامقدرہے اور اب وہ وقت دورنہیں جب کشمیری بھی آزادی سے سانس لیں گے ہم اپنے کشمیری بھائیوں کوسلام پیش کرتے ہیں جنھوں نے ایک ماہ کے قریب کرفیو ، ظلم وجبراورشہادتوں کے باوجودتحریک آزادی کشمیرکوسرد نہیں ہونے دیااور عالمی دنیاکوباورکروایا ہے کہ کشمیری آزادی کے سوا کسی بات پرکمپرومائزنہیں کریںگے۔ انشاء اللہ ایک دن ضرور آئے گاجب کشمیرپاکستان کاحصہ بنے گا۔ طاہر مرزا