12:26 pm
 صنعتی ترقی کے بغیرریاست میں خوشحالی ممکن نہیں، نورین عارف

صنعتی ترقی کے بغیرریاست میں خوشحالی ممکن نہیں، نورین عارف

12:26 pm

صنعتی ترقی کے بغیرریاست میں خوشحالی ممکن نہیں،نورین عارف اولڈ ونیوانڈسٹریل اسٹیٹ میرپور میں اصلاحات سے بہتر نتائج مرتب ہوئے، وزیر صنعت میرپور (نامہ نگار )آزاد کشمیر کی وزیر صنعت ،سماجی بہبود و ترقی نسواں نورین عارف نے کہاہے کہ صنعتی ترقی کے بغیرریاست میں ترقی اورخوشحالی نہیں آسکتی اور نہ ہی معیشت بہترہوسکتی ہے۔ میرپورآزادکشمیر کابڑاصنعتی خطہ ہے جہاں پاکستان کے آٹھویں صنعتی زون کے قیام کے بعد اس خطہ کی صنعتی اہمیت وافادیت مزیدبڑھ جائے گی۔موجودہ حکومت نے گذشتہ 3 سالوں میں میرپوراولڈ ونیوانڈسٹریل اسٹیٹ میں جواصلاحات نافذ کی ہیں اس سے صنعتی ترقی پردوررس نتائج مرتب ہورہے ہیں۔ میرپور اولڈ اورنیوانڈسٹریل اسٹیٹ میں منسوخ شدہ پلاٹوں کی بحالی کے نظام میں قانون وقاعدے کوفالوکیاجارہاہے۔ جن صنعتکاروں کوپلاٹ الاٹ ہیں اورانھوں نے ابھی تک کام شروع نہیں کیا انھیں باربار مہلت دینے کے بعد ان کے پلاٹ مکمل کینسل کرکے ایسے صنعتکاروں اورسرمایہ کاروں کوالاٹ کریںگے جوواقعی صنعتیں لگاناچاہتے ہوں۔ان خیالات کااظہار انھوں نے محکمہ صنعت کے زیراہتمام نیواور اولڈ انڈسٹری اسٹیٹ کے منسوخ شدہ پلاٹوں کی بحالی کے حوالے سے قائم کردہ کمیٹی کے اجلاس کی صدارت کرتے ہوئے کیا۔ اجلاس میں سیکرٹری صنعت وسماجی بہبود خواجہ محمداحسن، چیمبرآف کامرس اینڈ انڈسٹری کے صدر سہیل شجاع مجاہد، ڈائریکٹرانڈسٹری خواجہ ظفراقبال، جوائنٹ ڈائریکٹرانڈسٹری میرمحمدفہیم، ڈپٹی رجسٹرار سردارسرفراز خان، اسسٹنٹ ڈائریکٹر بھمبر محمداشرف خان، ایس ڈی او راجہ وسیم افضل بھی موجود تھے۔ اجلاس میں منسوخ شدہ پلاٹوں کے مالکان سے فرداً فرداً سماعت کی گئی ۔ دوران سماعت بعض الاٹیوں کومحدود مدت کی مہلت دی گئی کہ وہ کمیٹی کی طرف سے دی گئی مدت کے دوران اپنے پلاٹ پرصنعت لگائیںبصورت دیگران کے پلاٹ ہمیشہ کے لیے کینسل کرکے ایسے صنعتکاروں کوپلاٹ الاٹ کیے جائیں گے جو اس پرصنعتیں لگانے میںدلچسپی رکھتے ہوں۔ اجلاس میں اولڈ اور نیوانڈسٹری اسٹیٹ کے جملہ مسائل جن میں پانی، بجلی اور روڈ انفراسٹرکچر کی بہتری کے لیے غوروخوض کیاگیااورفیصلہ کیاگیاکہ محکمہ صنعت کے زیراہتمام دی جانے والی جملہ سہولیات ومراعات کی فراہمی کویقینی بنایاجائے۔ آزادکشمیرکی وزیرصنعت وترقی نسواں محترمہ نورین عارف نے کہاکہ آزادکشمیرمیں بے روزگاری بڑا اہم مسئلہ ہے جس کا حل صنعتی ترقی کوفروغ دے کرہی کیاجاسکتاہے۔ اس حوالے سے جن صنعتی پلاٹوں پرگذشتہ 10 ،15 سالوں سے کوئی صنعت نہیں لگائی گئی ان کوکینسل کرکے صنعتوں میں دلچسپی رکھنے والوں کوتحت ضابطہ الاٹ کریں گے۔ نورین عارف