12:27 pm
 ٹھیکیدار نے  کئی کنال پر کھڑی مکئی کی فصل پر مشین چڑھادی

ٹھیکیدار نے کئی کنال پر کھڑی مکئی کی فصل پر مشین چڑھادی

12:27 pm

ٹھیکیدار نے کئی کنال پر کھڑی مکئی کی فصل پر مشین چڑھادی حکومت فصل پر اٹھنے والے اخراجات کی فوری ادائیگی کرے،مشتاق احمد ہٹیاں بالا(بیورورپورٹ )محکمہ تعمیرات عامہ نے انڈین فائرنگ سے متاثرہ سرحدی قصبے چکوٹھی میں غریب کسان کی مکئی کی تیار فصل پر ڈوزر چلادیالاکھوں روپے مالیت کا نقصان۔ محکمہ تعمیرات عامہ کے ٹھیکیدار نے غریب کسان کی کئی کنال پر کھڑی مکئی کی فصل پر کھدائی والی مشین چڑھادی۔غریب کسان تین معذور بچوں سمیت آٹھ بچوں کا باپ ہے۔ جس نے اپنے بچوں کا پیٹ پالنے کے لیے ایک زمین دار سے معاوضے پر کاشت کے لیے حاصل کررکھی ہے کسان مشتاق احمد کا کہنا ہے کہ میری پورے سال محنت کو ضائع نہ کیا جائے انہوں نے مطالبہ کیا ہے کہ نقصان کی گئی فصل کی قیمت دی جائے اور بقیہ فصل کو تیاری کے لیے ایک ماہ کا وقت دیا جائے۔انہوں نے پاک فوج سے اپیل کی کہ وہ محکمہ کو میری فصل تباہ کرنے سے روکیں۔ وہ ایک ماہ تک اپنی فصل کے تیار ہونے پر اسے خود کاٹ لیں گے۔یا فصل پر اٹھنے والے اخراجات دئیے جائیں۔ میرے بچوں کی روزی کا مسئلہ ہے جو تین معذورہیں۔ مشتاق احمد