وزیراعظم کی زیرقیادت عوامی مسائل حل کررہے ہیں، افتخار ایوب چھپڑیاں گھوڑیکیر کی ترقی کے لئے بھرپور کردار اداکریں گے،سابق امیدوار اسمبلی دھیرکوٹ (نمائند ہ اوصاف )چھپڑیاں گھوڑیکیر میں راجہ نواز کی سرپرستی میں سابق امیدوار اسمبلی راجہ افتخار ایوب کا شاندار استقبال کیا گیا۔ اس موقع پر مسلم لیگ تحصیل دھیرکوٹ کے صدر راجہ اشراف خان، راجہ عنصر شفیق ایڈووکیٹ و دیگر بھی ہمراہ تھے۔ اس موقع پر سابق امیدوار ا اسمبلی و مرکزی نائب صدر راجہ افتخار ایوب نے کہا کہ چھپڑیاں گھوڑیکیر کی ترقی کے لیے بھرپور کردار اداکریں گے۔ یہاں کے لوگوں کے بنیادی مسائل کے حل کے لیے وزیراعظم راجہ فاروق حیدر خان ذاتی دلچسپی لے رہے ہیں۔ انہوں نے کہا کہ موجودہ وقت میں کشمیر کی صورت حال پر شدید تشویش ہے۔ مقبوضہ کشمیر میں کشمیری عوام پر بھارتی حکومت کی طرف سے نسل کشی جاری ہے۔اور گزشتہ ایک ماہ سے سخت ترین کرفیو کا نفاذ کر کے کشمیریوں کی زندگی اجیرن بنائی جا چکی ہیں۔ان حالات میں تمام جماعتوں کو متفقہ لائحہ عمل بنا کر آگے بڑھنے کی ضرورت ہے۔ وزیراعظم آزاد کشمیر راجہ فاروق حیدر خان پر پہلے بھی تمام جماعتیں اعتماد کا اظہار کر چکی ہیں۔اب وزیراعظم آزاد کشمیر جو بھی کال دیں گے من و عن تسلیم کرتے ہوئے تمام عوام کو لبیک کہنا چاہیے۔ اپنی چھوٹی چھوٹی ٹولیوں میں پروگرامات دینا زیادہ فائدہ مند نہیں۔ مجموعی طور پر پروگرامات اور کسی ایک کال پر متفق ہو کر اپنے مظلوم کشمیر بھائیوں کے لیے کردار ادا کرنا ہو گا۔اس موقع پر راجہ محمد اشراف خان، راجہ عنصرشفیق، راجہ نواز خان، راجہ اورانگزیب خان، راجہ سعید خان، راجہ شبیر خان، راجہ ریحان،و دیگر نے بھی خطاب کیا۔ انہوں نے کہا کہ عمران خان پاکستان میں مسلم لیگ ن کو انتقام کا نشانہ بنا رہا ہے۔سابق وزیراعظم میاں نوازشریف کو ناکردہ گناہوں کی سزادی جا رہی ہے۔پاکستان میں سی پیک جیسے ترقیاتی منصوبے کو بند کر کے پاکستان کو معاشی طور پر غیر مستحکم کرنے کا امریکہ پروگرام عمران خان پایہ تکمیل تک پہنچا رہا ہے۔ مریم نواز سمیت دیگر مسلم لیگی رہنمائوں کی گرفتاریاں اس بات کی علامت ہے کہ عمران حکومت مسلم لیگ ن سے خوفزدہ ہے۔ افتخار ایوب