01:40 pm
پی ٹی آئی  6 ستمبر کو یکجہتی کشمیرمارچ کریگی،چوہدری رزاق

پی ٹی آئی 6 ستمبر کو یکجہتی کشمیرمارچ کریگی،چوہدری رزاق

01:40 pm

پی ٹی آئی 6 ستمبر کو یکجہتی کشمیرمارچ کریگی،چوہدری رزاق صدر تحریک انصاف آزادکشمیر بیرسٹر سلطان مارچ کی قیادت کریں گے سماہنی پونا(رپورٹ!راشدراجؔ سے)صدر تحریک انصاف آزادکشمیر بیرسٹر سلطان محمود چوہدری کی قیادت میں مقبوضہ کشمیرکے عوام سے اظہار یکجہتی کے لیے تحریک انصاف آزادکشمیر 6 ستمبر دن 2 بجے میرپور کرکٹ سٹیڈیم سے پونا سماہنی تک یکجہتی کشمیرمارچ کرے گی۔یکجہتی کشمیر مارچ کی تیاریوں کے سلسلے میں پی ٹی آئی آزادکشمیر کی قیادت کا میرپور میں اہم اجلاس منعقد ہوا۔اجلاس میں سینئر نائب صدر پی ٹی آئی آزادکشمیر چوہدری ظفر انور، سیکرٹری جنرل راجہ مصدق خان،نائب صدر چوہدری اظہر صادق،ڈپٹی سیکرٹری جنرل سکندر بیگ،سابق نائب صدر چوہدری محمد رزاق،سابق امیدواراسمبلی چوہدری انعام الحق،سینئر رہنما چوہدری صدیق،عمر شہزادجرال،چوہدری انوار الحق نور،ڈاکٹر عشرت سجاد،چوہدری منشاء سمیت میرپور۔بھمبر کی ضلعی قیادت اور کارکنوں کی بڑی تعداد موجود تھی،اجلاس میں یکجہتی کشمیر مارچ کی حمکت عملی پر تبادلہ خیال کیا گیااور سول سوسائٹی و مختلف شعبوں سے تعلق رکھنے والے افراد سے مارچ میں بھرپور شرکت کی اپیل کی گئی دریں اثنا حلقہ سماہنی سے پی ٹی آئی کے مرکزی ر ہنما چوہدری محمد رزاق نے میڈیا نمائندگان سے گفتگو کرتے ہوئے کہا کہ حلقہ سماہنی بھر سے پی ٹی آئی کے کارکنان قومی جوش وجذبے کیساتھ شرکائے مارچ کا پونا کے مقام پر استقبال کریں گے ،ایل او سی کے نزدیک یکجہتی مارچ کا مقصد مقبوضہ کشمیر کے عوام کو یہ پیغام دینا ہے کہ جدوجہد آزادی میں انشااللہ انکے شانہ بشانہ ہیں اور بھارتی ظلم وجبر کا سلسلہ بند نہ ہوا تو جلد ہی کنٹرول لائن کو پائوں تلے روند کر مقبوضہ کشمیر کے عوام کے ساتھ کھڑے ہونگے انھوں نے کارکنان وعوام حلقہ سے اپیل کی کہ وہ مارچ میں بھرپور انداز میں شرکت کریں ۔ پی ٹی آئی