06:44 pm
مجرمانہ غفلت سامنے آگئی ، یونین کونسل گوجرہ کے اکثر دیہات میں بچے  پولیو کے قطروں سے محروم

مجرمانہ غفلت سامنے آگئی ، یونین کونسل گوجرہ کے اکثر دیہات میں بچے پولیو کے قطروں سے محروم

06:44 pm

مظفرآباد(سٹاف رپورٹر) دارالحکومت سے ملحقہ یونین کونسل گوجرہ کے اکثر دیہاتوں میں بچے پولیو کے قطروں سے محروم۔ محکمہ صحت عامہ گرائونڈ پر کام کرنے کے بجائے تشہیری مہم کی حد تک محدود ۔تفصیلات کے مطابق آزادکشمیر میں رواں ماہ پولیسو مہم کا آغاز کیاگیا لیکن بدقسمتی سے ای پی آئی ذمہ داران کی مجرمانہ غفلت کے باعث یونین کونسل گوجرہ کے علاقوں رہتڑ، گوٹھہ،راحیل اور آٹھشال میں پولیو کی ٹیمیں سرے سے گئی ہی نہیں اور رجسٹرڈ
پر پہلے سے درج بچوں کے ناموں کے آگے قطرے پلانے کی نئی تاریخیں ڈال دی گئی جس پرمتذکرہ علاقوں کے عوام سراپا احتجاج ہیں اور محکمہ صحت عامہ کے اعلیٰ حکام سے نوٹس لینے کامطالبہ کیا ہے۔