05:47 pm
وزراء کو متاثرین ایل او سی کا معاوضہ ہضم نہیں کرنے دینگے،عوامی حلقے

وزراء کو متاثرین ایل او سی کا معاوضہ ہضم نہیں کرنے دینگے،عوامی حلقے

05:47 pm

میرپور(نامہ نگار)آزادکشمیر کے وزراء قائد کشمیر پر تنقید کرنے کی بجائے کرپشن پر کنٹرول کریں اور آزاد خطہ کی تعمیروترقی کی رقم کو زمین پر خرچ کریں ۔ کنٹرول لائن کے متاثرین کا معاوضہ وزراء کو ہضم نہیں کرنے دینگے ۔ قائد کشمیر بیرسٹر سلطان محمود چوہدری نے مظفرآباد میں پریس کانفرنس کر کے موجودہ حکومت کے سیاہ کارناموں کو بے نقاب کر کے عظیم کارنامہ سرانجام دیا ہے ۔ ان خیالات کا اظہار ڈسٹرکٹ بار میرپور کے وکلاء وفد سے گفتگو کرتے ہوئے جنرل سیکرٹری تحریک انصاف جبار احمد منہاس ایڈووکیٹ نے کیا انہوں نے کہا کنٹرول لائن کے نام پر اربوں روپے کہاں
گئے ۔ جبکہ ہریام پل میرپور کا سات ارب روپے کا حساب کون دے گا۔زلزلہ متاثرین میرپور کے نام پر وصول ہونے والا معاوضہ کون واپس کرے گا۔ منگلا لہڑی پل کی رقم کس نے ہضم کی ہے آزادکشمیر سمیت میرپور ڈویژن میں ایک بھی میگا پراجیکٹ گزشتہ چار سالوں میں شروع نہیں ہو سکا اس کا ذمہ دار کون ہے ۔

تازہ ترین خبریں