موجودہ 4 سالہ دور حکومت کے ختم نبوت بل کی منظوری، این ٹی ایس کے نفاذ، 13 ویں آئینی ترمیم جیسے اقدامات تاریخ میں سنہری حروف میں لکھے جائیں گے آزاد کشمیر بھر کے بجلی کے صارفین کو جدید سہولیات کی فراہمی یقینی بنانے کے لئے کمپیوٹرائزڈ بلنگ سسٹم متعارف کروا رہے ہیں۔گڑھی دوپٹہ میں گرڈ اسٹیشن تعمیر کیا جائے گا۔ محکمہ کے ملازمین کی ترقیابی یقینی بنانے کیلئے سروس سٹرکچر زیر کار ہے۔ نئی آسامیوں پر بھرتی کے لیے ورک چارج ملازمین کو ترجیح دی جائے گی۔ اس موقع پر چیف انجینئر برقیات محمد تنویر خان،ناظم برقیات مظفرآباد سعیدالدین گیلانی،مہتمم برقیات گڑھی دوپٹہ قاضی خالد عزیز، نائب محمد اقبال اعوان،ایڈمنسٹریٹر ٹاون کمیٹی گڑھی دوپٹہ طارق عباس ڈار، سابق ایڈمنسٹریٹر محمد شریف عباسی،ریٹائرڈ ایس ڈی ایم سلیم اختر اعوان، تاجر رہنما عبدالقیوم اعوان شیخ راشد علی زمان آفتاب سلہریا،منیر ستی،طارق عبداللہ ڈار بھی موجود تھے قبل ازیں مہتمم برقیات گڑھی دوپٹہ قاضی خالد عزیز نے وزیر برقیات اور سیکرٹری سمیت دیگر افسران کو بریفنگ دی،مقامی کمیونٹی نے انتظامیہ اور فیلڈ سٹاف کی کارکردگی پر اطمینان کا اظہار کیا۔اس موقع پر گفتگو کرتے ہوئے وزیر حکومت اور سیکرٹری حکومت نے کہا کہ آزاد کشمیر بھر سے ایوریج بلات کی شکایات موصول ہو رہی ہیں اس کے تدارک کے لئے کمپیوٹرائزڈ بلنگ سسٹم متعارف کروا رہے ہیں، اب میٹر ریڈر موقع پر میٹر کی تصویر بنائے گا اور اس پر موجود یونٹس درج کرنے کا پابند ہوگا اس طرح صارف کو فائدہ پہنچے گا۔ وزیر حکومت کا کہنا تھا کہ محکمہ کے ملازمین کے سروس سٹرکچر زیر کار ہیں جبکہ ورک چارج ملازمین کو نئی بھارتیوں میں ترجیح دی جائے گی۔ انہوں نے کہا کہ حکومت آزاد کشمیر تمام ہر شعبہ زندگی میں عوام کو ریلیف فراہم کر رہی ہے۔