​​​​​​​موجوداہلکاران کو منع کیا کہ وہ ایسا نہ کریں جبکہ محکمہ کے ذمہ دارآفیسران نے ایس ڈی ایم سے ملاقات کر کے اپنی تشویش سے آگاہ کیا اور ان کے علم میں لایا کہ یہ جگہ محکمہ جنگلات کے اراضی ہے اور کاغذات میں بھی محکمہ جنگلات کی اراضی ہے لیکن اس کے باوجود ایس ڈی ایم نے اہلکاران کو چار دیواری کا کام جاری رکھنے کا حکم دیا جس پر محکمہ جنگلات کے اہلکاران نے غیر قانونی طور پر تعمیر کی گئی چار دیوار ی کا ایک حصہ گرا دیا جس پر ایس ڈیم راولاکوٹ نے پولیس طلب کی اور محکمہ کے دواہلکاران صدیق کیانی اور لطیف کیانی کو گرفتار کر وا دیا ۔ایس ڈی ایم راولاکوٹ کے اس عمل کے خلاف فارسٹر اینڈ فارسٹ گارڈ ایسوسی ایشن کا ایک اجلاس مرکزی جنرل سیکرٹری فارسٹر اینڈ فارسٹ گارڈ ایسوسی ایشن اعجاز احمد منعقد ہوا ، اجلاس میں محکمہ جنگلات کے ملازمین نے کثیر تعداد میں شرکت کی ، اجلاس میں محکمہ کے دو ملازمین کی گرفتاری کی پرزور الفاظ میں مذمت کی گئی ۔ اجلاس سے خطاب کرتے ہوئے مرکزی جنرل سیکرٹری اعجاز احمد و دیگر نے کہا کہ محکمہ جنگلات کے ملازمین سرکاری رقبہ کی حفاظت کیلئے مامور کیے جاتے ہیں اور وہ پوری ایماندار ی ، دیانت داری سے اپنے فرائض ادا کرتے ہیں ، ان نہتے ملازمین کو کبھی ٹمبر مافیا اور کبھی بااثر افراد کے رعب سے ڈرایا دھمکایا جاتا ہے لیکن جب ایک ذمہ دار آفیسر محکمہ کے ملازمین کو گرفتار کروائے اور ان پر تشد د کروانے کی کوشش کرے تو یہ عمل ادارئوں کے ٹکرائوں کا باعث بن سکتا ہے ۔ محکمہ جنگلات کے ملازمین کے ساتھ ہونے والی زیادتی اور محکمہ کی زمین پر ناجائز طور پر قبضہ کی کوشش کے خلاف اگر ذمہ داران نے تین دن کے اندر اند ر محکمہ کے ملازمین کو انصاف فراہم نہ کیا تو فارسٹر اینڈ فارسٹ گارڈ ایسوسی ایشن پورے آزادکشمیر میں احتجاج کی کال دے گی