تازہ ترین  
پیر‬‮   21   جنوری‬‮   2019

ریاست مدینہ کا قیام۔۔۔ درجنو ں علماء کا عمران خان کی غیر مشروط حمایت کا اعلان


لاہور(نیوز ڈیسک ) جامع مسجد فردوس شالیمار باغ لاہور میں قائداعظم محمدعلی جناح کے ساتھی مولاناملک شاہ احمدخان کی زیر صدارت پنجاب کے مختلف اضلاع سے 150سے زائد علماء کا اجلاس منعقد ہوا ، اجلاس میں وزیراعظم عمران خان کے ریاست مدینہ طرزکی حکومت کے قیام کی غیر مشروط تائید کی گئی، اجلاس میں وزیراعظم عمران خان کو یقین دہانی کروائی کہ ریاست مدینہ کے قیام میں ہزاروں علماء کرام آپ کے ساتھ کھڑے ہونگے ،ملک شاہ احمدخان نے کہاکہ یہ ملک اسلام کے نام پر وجود میں آیاہے 70سالوں میں کسی حکمران کو یہ جرات نہ ہوئی کہ وہ

ریاست مدینہ طرز کی حکومت کے قیام کی بات کرے،عمران خان واحدلیڈر ہے جس نے یہ اعلان کیاہے ،عمران خان کی تائید اور حمایت میں پورے ملک میں کانفرنسزز اور سیمینار کا ااہتمام کیا جائے گاملک شاہ احمدخان نے کہاکہ مولانافضل الرحمن ،سراج الحق اسلام نہیں اسلام آباد کے خواہشمند ہیں ،مولاناملک شاہ احمدخان نے مزید کہاکہ اس وقت جمہوریت کو کوئی خطرہ نہیں ہے ،چور اور لٹیرے اپنے لئے خطرہ محسوس کر رہے ہیں کہ انہیں لوٹی ہوئی رقم واپس نہ کرنی پڑ جائے ۔ ا جلاس میں مولاناملک شاہ احمدخان کو سرپرست اعلی مقرر کیاگیا۔




 سب سے زیادہ پڑھی جانے والی مقبول خبریں


آج کا مکمل اخبار پڑھیں

تازہ ترین خبریں




     
     
تمام اشاعت کے جملہ حقوق بحق ادارہ روزنامہ اوصاف محفوظ ہیں۔
Copyright © 2016 Daily Ausaf. All Rights Reserved