سیکورٹی فورسز کی کامیاب کارروائی ،3دہشت گردگرفتار،دہشتگردکہاں حملہ کرناچاہتے تھے
  25  اپریل‬‮  2018     |     اہم خبریں

راولپنڈی(ویب ڈیسک)سیکیورٹی فورسز نے فاٹا اور خیبرپختونخوا میں کارروائیوں کے دوران 2 خودکش حملہ آوروں سمیت 3 دہشتگردوں کو گرفتار کرلیا۔پاک فوج کے شعبہ تعلقات عامہ آئی ایس پی آر کے مطابق دہشتگردی کے خاتمے کے لیے آپریشن ردالفساد کے تحت سیکیورٹی فورسز نے فاٹا اور خیبرپختونخوا میں بڑی کارروائیاں کرتے ہوئے 3 دہشت گردوں کو گرفتار کرلیا، سیکیورٹی فورسز نے

آپریشن سرائے نورنگ اور کوٹکا شاہ گولی خان لکی مروت میں خفیہ اطلاعات پر کئے، خفیہ اداروں نے دہشت گردوں کا سراغ لگا کر گرفتار کرلیا۔آئی ایس پی آر کا کہنا ہے کہ گرفتار خودکش حملہ آوروں میں نعمت اللہ اور صدیق اللہ شامل ہیں جو سرحد پار سے آئے تھے جب کہ دہشتگردوں کے قبضے سے خودکش جیکٹس اور مواصلاتی آلات برآمد کرلیے۔آئی ایس پی آر کا کہنا ہے کہ فورسز نے بلوچستان کے علاقے دالبندین کے قریب ایک دہشت گرد کو گرفتار کر لیا، دہشت گرد نوکنڈی سے خاران چار سو ڈیٹونیٹرز اور بارود منتقل کر رہا تھا کہ اس دوران فورسز نے کارروائی کرتے ہوئے اسے گرفتار کرلیا۔


اس خبر کے بارے میں اپنی رائے دیجئے
پسند آئی
17%
ٹھیک ہے
33%
کوئی رائے نہیں
50%
پسند ںہیں آئی
 


 سب سے زیادہ پڑھی جانے والی مقبول خبریں





  اوصاف سپیشل

آج کا مکمل اخبار پڑھیں

آج کا مکمل اخبار پڑھیں

اہم خبریں

کالم /بلاگ


     
     
تمام اشاعت کے جملہ حقوق بحق ادارہ روزنامہ اوصاف محفوظ ہیں۔
Copyright © 2016 Daily Ausaf. All Rights Reserved