’’آج کی سب سے بڑی خبر‘‘ فاٹا الگ صوبہ بنے گا یا خیبرپختونخواہ میں ضم کر دیا جائے گا؟ وفاقی کابینہ نے بڑے فیصلہ کرتے ہوئے منظوری دے دی
  17  مئی‬‮  2018     |     اہم خبریں

اسلام آباد (مانیٹرنگ ڈیسک) وزیر اعظم شاہد خاقان عباسی کی زیر صدارت وفاقی کابینہ کا اجلاس ہوا۔ وفاقی کابینہ نے فاٹا اصلاحات پر فوری عملدرآمد کی منظوری دے دی۔ تفصیلات کے مطابق وزیراعظم شاہد خاقان عباسی کی زیر صدارت وفاقی کابینہ کا اجلاس آج اسلام آباد میں منعقد ہوا۔ اجلاس میں 27 نکاتی ترمیمی ایجنڈا پیش کیا گیا۔ کابینہ اجلاس میں فاٹا اصلاحات کو ایجنڈے پر سرفہرست رکھا گیا تھا۔ وفاقی کابینہ نے اسلحے کی کمرشل امپورٹ کی پالیسی میں بھی ترمیم کی منظوری دی جبکہ نیشنل ڈیزاسٹر مینجمنٹ اتھارٹی (این ڈی ایم اے) کو وزیراعظم آفس کے ما

تحت کرنے کا فیصلہ کیا گیا۔ اجلاس میں ا سلام آباد میں میڈیکل سٹی بنانے کا فیصلہ بھی کیا گیا، پاکستان سافٹ ویئرایکسپورٹ بورڈ کے نئے ایم ڈی کی تقرری اور ایچ بی ایف سی کے ایم ڈی کےتقرر کیلئے قواعد وضوابط کی منظوری بھی دیدی گئی۔ وفاقی کابینہ اجلاس میں فاٹا کے خیبرپختونخواہ میں فوری انضمام کا فیصلہ کیا گیا۔ اجلاس میں کیے گئے فیصلے کے مطابق فاٹا کو فوری طور پر خیبرپختونخواہ میں ضم کر دیا جائے گاجبکہ انضمام کے وقت کا تعین کا اختیار وزیر اعظم شاہد خاقان عباسی کو سونپ دیا گیا۔


اس خبر کے بارے میں اپنی رائے دیجئے
پسند آئی
33%
ٹھیک ہے
17%
کوئی رائے نہیں
 
پسند ںہیں آئی
50%


 سب سے زیادہ پڑھی جانے والی مقبول خبریں






آج کا مکمل اخبار پڑھیں

اہم خبریں

کالم /بلاگ


     
     
تمام اشاعت کے جملہ حقوق بحق ادارہ روزنامہ اوصاف محفوظ ہیں۔
Copyright © 2016 Daily Ausaf. All Rights Reserved