12:09 pm
 ٹک ٹاک گرل نے اپنے ہی گھر کو آگ لگا دی

ٹک ٹاک گرل نے اپنے ہی گھر کو آگ لگا دی

12:09 pm

خیرپور(ویب ڈیسک) والدین کے ٹک ٹاک ویڈیو بنانے سے منع کرنے پر لڑکی نے گھر کو نذر آتش کر دیاخیرپور کے علاقے پیرجو گوٹھ میں ٹک ٹاک ویڈیو بنانے سے منع کرنے پر نوجوان ٹک ٹاک گرل نے اپنے ہی گھر کو آگ لگا دی۔تفصیلات کے مطابق خیرپور کے علاقے پیرجو گوٹھ میں ایک گھر میں یہ واقعہ پیش آیا ۔ جہاں لڑکی نے والدین کی جانب سے ٹک ٹاک ویڈیو بنانے سے روکے جانے کے بعد پورے گھر کو ہی آگ لگا دی ہے۔واقعہ کے بعد لڑکی کے والد عزیز احمد خلجی نے
اپنی ہی بیٹی کیخلاف ایف آئی آر درج کرا دی، ایف آئی آر میں عزیز احمد نے مؤقف اپنایا کہ اس کی بیٹی نے اس کے گھر کو آگ لگا دی ہے، بیٹی کو ٹک ٹاک ویڈیوز بنانے سے روکا جس پر اس نے غصے میں آ کر انتہائی اقدام اٹھاتے ہوئے اس کے گھر کو نذر آتش کر دیا ہے۔متعلقہ پولیس نے ایف آئی آر درج کرنے کے بعد لڑکی کو حراست میں لے کر خواتین پولیس اسٹیشن منتقل کردیا ہے، تاہم ابھی نوجوان ٹک ٹاکر کا نام سامنے نہیں آ سکا۔یاد رہے کہ اس سے قبل ڈسکہ میں ایک انتہائی
عجیب واقعہ پیش آیا ہے جہاں نوجوان ٹک ٹاکر نے چہرے پر سیاہی مل کر ایک غریب شخص کا روپ دھار لیا اور سڑک پر بھیک مانگنے لگا۔بھیک مانگنے والا ٹک ٹاکر زیادہ دیر لوگوں کو بے وقوف نہ بنا سکا اور پٹرولنگ پولیس کے شنکجے میں آ گیا۔ پولیس نے اس فقیر کی جیب سے پاکستانی کرنسی، ڈالر ریال اور پاؤنڈ برآمد کیے۔ پولیس اہلکاروں کا کہنا ہے کہ نوجوان عرصہ دراز سے بھکاری کا روپ دھار کر شہریوں کو لوٹ رہا تھا۔