تازہ ترین  
پیر‬‮   21   جنوری‬‮   2019

طلبا کو ایک اور بڑی خوشخبری سنا دی گئی بورڈ کا امتحان ختم کردیا گیا ، اب سکول ہی امتحانات لے گا


پشاور(آئی این پی ) خیبر پختونخوا حکومت نے صوبہ بھر میں آئندہ سال سے نویں کا بورڈ امتحان ختم کرنے اور آٹھویں کا سالانہ امتحان بورڈ کے ذریعے کرنے کا اصولی فیصلہ کرلیا، اعلامیہ آئندہ ہفتے جاری کیا جائے گا،خیبر پختونخوا میں 1996 تک آٹھویں جماعت کا سالانہ امتحان بورڈ کے تحت لیا جاتا رہا ہے۔ تفصیلات کے مطابق خیبر پختونخوا حکومت نے محکمہ تعلیم میں تبدیلی کے لئے نت نئے مگر 1996 کے پرانے طریقہ کار کو دوبارہ شروع کرنے کا سلسلہ شروع کردیا ہے، سابق پی ٹی آئی حکومت نے 2015 سے صوبے کے تمام پرائمری سکولوں میں جائزہ امتحان

شروع کیا، جس کا مقصد استاد اور طالب علم کے تعلیمی معیار کو جانچنا تھا، 2016 میں اس میں آٹھویں جماعت کو بھی شامل کیا گیا اور اعلان کیا تھا کہ مارچ 2018 میں پانچویں کا امتحان بورڈ اور آٹھویں جماعت کا جائزہ ہوگا یہ امتحانات عام طور پر فروری میں منعقد کے جاتے رہے جس کے لئے سکولوں اور تعلیمی بورڈز میں تیاری موسم گرما کی تعطیلات کے بعد یکم ستمبر سے شروع کر دی جاتی ہے مگر امسال دسمبر تک اس کا فیصلہ نا کیا جا سکا۔حکومت نے فیصلہ کیا ہے کہ اگلے سال سے نویں جماعت کہ امتحان بورڈ نہیں ہو گا بلکہ یہ تمام ہائی و ہائر سیکنڈری اسکولوں میں عام سالانہ امتحان کے طور پر لیا جائے گا البتہ آٹھویں جماعت کا سالانہ امتحان بورڈ کردیا گیا ہے۔ اسی طرح امسال صوبہ بھر کے پرائمری اور مڈل جائزہ امتحانات لئے جائیں گے جس میں صرف سرکاری اسکول شامل ہوں گے مگر اس مرتبہ متعلقہ تعلیمی بورڈز صرف تمام اسکولوں کے 10 فی صد اسکولوں کے امتحان لے گی باقی 90 فی صد اسکولز اپنے طور پر جائزہ امتحان خود لیں گے البتہ امتحانی پرچے بورڈز کی طرف سے فراہم کے جائیں گے۔




 سب سے زیادہ پڑھی جانے والی مقبول خبریں


آج کا مکمل اخبار پڑھیں

تازہ ترین خبریں




     
     
تمام اشاعت کے جملہ حقوق بحق ادارہ روزنامہ اوصاف محفوظ ہیں۔
Copyright © 2016 Daily Ausaf. All Rights Reserved