07:24 am
تحریک انصاف کی حمایت کیلئے میں خود پر لعنت بھیجتا ہوں ، نواز شریف عالی ظرف انسان تھا لیکن یہ کم ظرف لوگ ہیں

تحریک انصاف کی حمایت کیلئے میں خود پر لعنت بھیجتا ہوں ، نواز شریف عالی ظرف انسان تھا لیکن یہ کم ظرف لوگ ہیں

07:24 am

اسلام آباد(مانیٹرنگ ڈیسک)تحریک انصاف کی حمایت کیلئے میں خود پر لعنت بھیجتا ہوں ، نواز شریف عالی ظرف انسان تھا لیکن یہ کم ظرف لوگ ہیں، عمران خان کو ہمیشہ سپورٹ کرنے والے حسن نثار نے ایسا کیوں کہا ؟ جانیں ،، سینئیر صحافی حسن نثار نے حکومت کو شدید تنقید کا نشانہ بناتے ہوئے کہا کہ نواز شریف ایسا عالی ظرف انسان تھا۔میں خود پر لعنت بھیجتا ہوں کہ میں ان لوگوں کی حمایت کرتا رہا۔ تفصیلات کے مطابق پاکستان تحریک انصاف کی حکومت کو قائم ہوئے کم و بیش 6 ماہ سے زائد کا عرصہ گزر چکا ہے۔

پاکستان تحریک انصاف کی حکومت اپنی کارکردگی کے قصیدے سناتے ہوئے نہیں تھکتی جبکہ اپوزیشن موجودہ دور حکومت کو بدترین انداز حکومت قرار دیتے ہوئے حکومت پر شدید تنقید کرتے ہیں۔ تاہم وزیر اعظم عمران خان اپنے عوامی اقدامات سے اس حکومت کی ساکھ بہتر بنانے میں مصروف ہیں۔تاہم ابھی حکومت کی جانب سے بہت کچھ کئیے جانے کی ضرورت ہے ۔موجودہ حکومت سب سے بڑا مسئلہ یہ ہے کہ انہوں نے اقتدار میں آنے سے پہلے کسی بھی قسم کا ہوم ورک نہیں کیا جس کا خمیازہ قوم کو بھگتنا پڑ رہا ہے اور یہی سبب ہے کہ وہ تجزیہ کار اور صحافی بھی جو کبھی تحریک انصاف کا دم بھرتے تھے آج انکو شدید تنقید کا نشانہ بنارہے ہیں۔ انہیں میں سے ایک معروف صحافی حسن نثار ہیں۔انہوں نے اپنے تازہ ترین بیان میں کہا ہے کہ یہ لوگ عوام کو سکون دیں میری ان سے کوئی بحث نہیں ہے ۔نہ میری نواز شریف سے دشمنی تھی اور نہ ہی ان سے ہے۔انکا کہنا تھا کہ نواز شریف تو پھر گریس فل انسان تھا ۔نواز شریف ایسا عالی ظرف انسان تھا کہ خود فرمائش کرکے ملتا تھا اور کبھی اس نے گلے کے الفاظ اپنی زبان پر نہیں لائے کہ تم میرے بارے میں ایسے بات کرتے ہوئے ۔ حسن نثار کا کہنا تھا کہ یہ کم ظرف لوگ ہیں ،میں خود پر لعنت بھیجتا ہوں کہ میں ان لوگوں کی حمایت کرتا رہا۔میں ان لوگوں سے یہ توقع کررہا تھا کہ یہ لوگ فرنٹ پر سیاست کر رہے ہیں جبکہ ٹیکنو کریٹ سائڈ پر بیٹھے ہوں گے اور ہوم ورک ہو رہا ہوگا لیکن مجھے افسوس اس بات کا یہ ہے کہ 22 کروڑ لوگوں کا ملک انہوں نے سنبھال لیا ہے اور انہوں نے ٹکے کا ہوم ورک نہیں کیا۔

تازہ ترین خبریں