07:27 am
سعودی ولی عہد کوپاک فضائیہ کاشیردل اسکواڈرن سلامی دے گا، قوم انتظار میں بیٹھ گئی

سعودی ولی عہد کوپاک فضائیہ کاشیردل اسکواڈرن سلامی دے گا، قوم انتظار میں بیٹھ گئی

07:27 am

اسلام آباد:سعودی ولی عہد محمد بن سلمان کے دورہ پاکستان کی تیاریاں جاری ہیں ، ولی عہد کوپاک فضائیہ کا شیردل اسکواڈرن سلامی دے گا ۔ سعودی ولی عہد محمد بن سلمان 2روزہ دورے پرپاکستان آرہے ہیں ، جس کیلئےتیاریاں جاری ہیں ۔ذرائع کا کہنا ہے کہ شاہی دورے کیلئے حکومت پاکستان نے 300 پراڈوگاڑیوں کی بکنگ کرالی ہے ، ولی عہد کے استعمال کیلئےگاڑیاں سعودی عرب سے لائی جائیں گی ،

سیکیورٹی کیلئے مکمل انتظامات کئے جا رہے ہیں ۔ سعودی ولی عہد کے ساتھ بھی 130 شاہی گارڈزآئیں گے ، سعودی ولی عہد کے قیام وطعام کا بندوبست وزیراعظم ہاؤس میں کیا جا رہا ہے ، کھانے پینے کی اشیاء بھی سعودی عرب سے ہی لائی جا رہی ہیں ، شاہی دورے کیلئے اسلام آباد کے ہوٹلز میں کمروں کی بکنگ کر دی گئی ہے ۔ولی عہد کوپاک فضائیہ کا شیردل اسکواڈرن سلامی دے گا اورجے ایف 17 تھنڈرطیارے فلائی پاسٹ پیش کریں گے ، وزیراعظم ہاؤس آمد پرولی عہد کوگارڈ آف آنرپیش کیا جائے گا ۔وزیراعظم اورولی عہد کے درمیان ون آن ون ملاقات ہو گی ، دورہ کے دوران 15 سے 20ارب ڈالرزکے معاہدوں پردستخط ہوں گے ۔ وزیراعظم عمران خان سعودی ولی عہد کے اعزازمیں ظہرانہ دیں گے ۔صدرمملکت عارف علوی ولی عہد کے اعزازمیں ایوان صدرمیں عشائیہ دیں گے ، ایوان صدرمیں کلچرل پرفارمنس بھی ہوں گی ۔

تازہ ترین خبریں