09:07 am
دفتر خارجہ نے سعودی ولی عہد کےدورہ پاکستان کی تفصیلات جاری کر دیں

دفتر خارجہ نے سعودی ولی عہد کےدورہ پاکستان کی تفصیلات جاری کر دیں

09:07 am

اسلام آباد (نیو ز ڈیسک) سعودی ولی عہد محمد بن سلمان 16 فروری کو 2 روزہ سرکاری دورے پر پاکستان آئیں گے۔ان کے ساتھ اعلیٰ سطح کا وفد بھی پاکستان پہنچے گا جس میں سعودی شاہی خاندان کے افراد،وزراء اور بڑی کاروباری شخصیات شامل ہوں گی

۔دفتر خارجہ نے سعودی ولی عہد کےدورہ پاکستان کی تفصیلات جاری کردی ہیں جن کے مطابق ولی عہد بننے کے بعد محمد بن سلمان کا یہ پہلا سرکاری دورہ پاکستان ہوگا۔ سعودی ولی عہد صدر مملکت عارف علوی،وزیراعظم عمران خان اورآرمی چیف قمر جاوید باجوہ سے ملاقاتیں کریں گے۔تفصیلات کے مطابق پاکستانی سینیٹ کا وفد بھی شہزادہ محمد بن سلمان سے ملاقات کرے گاجس کے بعد سعودی وزراء دو طرفہ تعاون بڑھانے کے لیے پاکستانی ہم منصب وزیروں سے ملاقاتیں کریں گے۔دفتر خارجہ کے مطابق دونوں ممالک کی کاروباری شخصیات کے مابین نجی شعبے میں تعاون بڑھانے کے لیے ملاقاتیں بھی شیڈول ہیں۔

 

تازہ ترین خبریں