کہ سعودی حکومت نے بھکی اور حویلی بہادر شاہ کی قیمتیں پوچھ لیں۔ سعودی حکومت کی جانب سے دونوں پاور پلانٹس کیلئے پنجاب حکومت کو پیشکش کردی گئی ہے۔خیال رہے کہ سعودی ولی عہد محمد بن سلمان پہلی بار ایشیاء کے دورے پر آرہے ہیں، اس موقع پر وہ 16 اور 17 فروری کو پاکستان جب کہ اس کے بعد چائینہ ، ملائیشیا اور بھارت کے دورے پر روانہ ہونگے۔ اس حوالے سے پاکستان میں سعودی ولی عہد کے استقبال کی بھر پور تیاریاں شروع کر دی گئیں ہیں، سعودی ولی عہد شہزادہ محمد بن سلمان کو ائیر پورٹ پر جے ایف تھینڈر 17 طیاروں سے سلامی دی جائے گی لیکن سعودی ولی عہد کے دورے سے قبل سعودی سفارتخانے نے ایسا قدم اُٹھا لیا ہے کہ خطے میں اسٹریٹجک دور کا آغاز یقینی ہوگیا ہے۔سعودی ولی عہد محمد بن سلمان کے دورہ پاکستان کے موقع پر سعودی سفارتخانے نے پاکستان اور سعودی عرب کی دوستی اور مضبوط آپسی تعلقات کے اظہار کے لیے قلم اور کپ جاری کیے ہیں۔ اس حوالے سے نامور صحافی و تجزیہ نگار صابر شاکر نے سماجی رابطوں کی ویب سائٹ توئٹر پر اپنے پیغام میں کہا ہے کہ ’’ سعودی ولی عہد محمد بن سلمان کے دورہ پاکستان کےموقع پرسعودی سفارتخانے نے Long Live Saudi Pak Friendship کے جاندار اظہار کے لیے قلم اور کپ جاری کئے جن پر پاکستان اور سعودی عرب کے قومی پرچموں کو یک جان ظاہر کیا گیا ہے،دونوں ممالک کے یک جان قومی پرچموں کو دیکھ کر ہم اندازہ لگا سکتے ہیں کہ سعودی ولی عہد کا دورہ پاکستان ایک غیرمعمولی دورہ ہے جس کے بعد نئے اسٹریٹجک دورکا آغاز ہوگا ‘‘۔صابر شاکر کے اس ٹویٹ پر کئی ٹویٹر صارفین نے بھی سعودی سفارتخانے کے اس تاثر کو خوب سراہا اور اُمید ظاہر کی کہ سعودی ولی عہد محمد بن سلمان کا یہ دورہ پاکستان کی تقدیر بدل کر رکھ دے گا۔ٹویٹر صارفین کا کہنا تھا کہ پاکستان کو خدا خدا کر کے عمران خان جیسا ایک لیڈر نصیب ہوا ہے۔ اب انشاءاللّه پاکستان جلد ترقی یافتہ ممالک کی فہرست میں شامل ہو جائے گا۔