09:05 am
کیا محمد بن سلمان واقع تلور کے شکار پر بھی جائیں گے؟ اصل حقیقت سامنے آ گئی

کیا محمد بن سلمان واقع تلور کے شکار پر بھی جائیں گے؟ اصل حقیقت سامنے آ گئی

09:05 am

اسلام آباد (ویب ڈیسک) پاکستان کے دورے پر آنے والے سعودی عرب کے ولی عہد پرنس محمد بن سلمان تلور کے شکار کے لئے نہیں جائیں گے۔روزنامہ خبریں کے مطابق سعودی ولی عہد کے ہمراہ اس دورے میں 1200 لوگ نہیں آرہے تاہم ان کی سکیورٹی اور سٹاف کے ارکان کی تعداد 600 کے لگ بھگ ہے۔ اخباری ذرائع نے بتایا ہے
کہ ولی عہد کے ہمراہ آنے والے وفد میں بیشتر شاہی خاندان سے تعلق رکھنے والے شہزادے اور شہزادیاں شامل ہوں گی۔ پہلا موقع ہے کہ سعودی عرب سے اتنا بڑا وفد سعودی ولی عہد کے ہمراہ پاکستان کا دورہ کررہا ہے۔سعودی ولی عہد کے ہمراہ ایک پوراموبائل ہسپتال پہلے ہی پاکستان پہنچادیا گیا ہے، ان کی پاکستان آمد کے موقع پر انتہائی فول پروف سکیورٹی کے انتظامات کئے گئے ہیں۔ پولیس، رینجرز کے ساتھ افواج پاکستان کے اہلکار بھی ان کی سکیورٹی پر مامور کئے جائیں گے۔ وہ وزیراعظم ہاوس میں قیام کریں گے جہاں غیر متعلقہ افراد کا داخلہ ممنوع ہوگا۔سعودی ولی عہد محمد بن سلمان کی پاکستان آمد پرریڈزون مکمل طور پر سیل!

تازہ ترین خبریں