03:12 pm
شہباز شریف رہائی کی خوشیاں منا ہی رہے تھے کہ انہیں انتہائی دردناک خبر سنا دی گئی

شہباز شریف رہائی کی خوشیاں منا ہی رہے تھے کہ انہیں انتہائی دردناک خبر سنا دی گئی

03:12 pm

لاہور (مانیٹرنگ ڈیسک) شہباز شریف رہائی کی خوشیاں منا ہی رہے تھے کہ انہیں انتہائی دردناک خبر سنا دی گئی ۔۔۔سابق وزیراعلیٰ شہباز شریف کو آشیانہ ہاؤسنگااسکینڈل اور رمضان شوگر ملز کیس میں ضمانت دے دی گئی ہے لیکن نیب نے اپوزیشن لیڈر شہباز شریف کی رہائی کا فیصلہ سپریم کورٹ میں چیلنج کرنے کا فیصلہ کر لیا۔میڈیا رپورٹس میں بتایا گیا ہے کہ نیب پراسیکوٹر کے مطابق فیصلے کی مصدقہ نقل ملتے ہی سپریم کورٹ میں درخواست دائر کی جائے گی۔ واضح رہے سابق وزیراعلیٰ شہباز شریف کی ضمانت کی درخواستوں پر لاہور ہائیکورٹ نے سماعت کی۔ جسٹس ملک شہزاد کی سربراہی میں دو رکنی بنچ نے دلائل مکمل ہونے پر درخواست ضمانت پر فیصلہ محفوظ کیا تھا جو اب سنا دیا گیا ہے۔ دوران سماعت جسٹس ملک شہزاد احمد نے استفسار کیا کہ رمضان شوگر ملز کے علاوہ اس علاقے میں کوئی اور سکیم بنائی گئی،
جس پر وکیل شہباز شریف نے کہا کہ محلہ فتح آباد، مقصود آباد سمیت چنیوٹ کے دیگر اضلاع میں ایسی ہی سکیمیں بنائی گئیں، موضع جھمب چنیوٹ میں 58 ملین سے سیوریج سکیم بنائی گئی، سارا ریکارڈ نیب کے پاس ہے کوشش ہے کہ کچھ نہ کچھ عدالت میں پیش کیا جائے۔ نیب نے عدالت کو بتایا کہ فواد حسن فواد پر راولپنڈی پلازہ میں 10 منزلوں کی ملکیت اور موٹر وے سٹی کوٹ عبدالمالک میں شراکت داری کا الزام ہے، 1987ء سے 1995ء تک فواد حسن کے اثاثوں میں اضافہ نہیں ہوا، 2014ء سے 2016ء تک فواد حسن نے 8 کروڑ روپے قرض لیا۔ لاہور ہائیکورٹ نے آشیانہ ہاؤسنگ اسکیم اور رمضان شوگر ملز کیس میں سابق وزیراعلیٰ شہباز شریف کی ضمانت منظور کرتے ہوئے انہیں رہا کرنے کا حکم دے دیا۔لاہور ہائی کورٹ نے شہبازشریف کو10،10لاکھ کے 2 ضمانتی مچلکے جمع کرانے کی ہدایت بھی کی۔ اپنی ضمانت منظور ہونے پر سابق وزیراعلیٰ شہباز شریف نے کہا کہ ایک مرتبہ ہھر آج سچ کی جیت ہوئی ہے۔ ہم عدالتوں میں پیش ہوئے اور آگے بھی ہوتےرہیں گے۔ ان کا کہنا تھا کہ احتساب اگر سب کا ہو تو ہی احتساب کہلائے گا۔ اگر ایک پائی کی کرپشن ثابت ہو جائے تو سیاست سے کنارہ کشی کر لوں گا، خدا کا شکر ہے کہ سچ سامنے آیا۔
 

تازہ ترین خبریں