02:11 pm
کتنے معصوم لوگ جیل میں پڑے ہیں، کچھ تو رحم کریں

کتنے معصوم لوگ جیل میں پڑے ہیں، کچھ تو رحم کریں

02:11 pm

کراچی(آئی این پی ) سندھ ہائی کورٹ نے منی لانڈرنگ کیس میں نیب کو کیس منتقلی سے متعلق پیش رفت سے آگاہ کرنے کا حکم د یتے ہوئے ریمارکس دیے کہ کتنے معصوم لوگ جیل میں پڑے ہیں، کچھ تو رحم کریں۔ جمعہ کو سندھ ہائی کورٹ میں انورمجید، حسین لوائی، طہ رضا کی درخواستوں پر سماعت ہوئی۔عدالت میں سماعت کے دوران ایف آئی اے ایڈیشنل ڈائریکٹرملک ممتازالحسن نے جواب جمع کرا دیا، کیس نیب کومنتقل ہوچکا، ضابطے کی کارروائی جاری ہے
۔نیب پراسیکیوٹر نے کہا کہ چیئرمین نیب کیس منتقلی سے متعلق درخواست پردستخط کرچکے، ایک دو روز میں لیٹرعدالت میں پیش کر دیا جائے گا۔انہوں نے کہا کہ چیئرمین نیب کے لیٹرکا انتظار کرلیا جائے، ملزمان کی درخواست ضمانت نہ سنی جائے۔ملزمان کے وکیل نے دلائل دیتے ہوئے کہا کہ ایف آئی اے، نیب کے پاس عدالت کو بتانے کو کچھ نہیں ہے، عدالت نے ریمارکس دیے کہ کتنے معصوم لوگ جیل میں پڑے ہیں، کچھ تو رحم کریں۔عدالت میں سماعت کے دوران ملزمان کے وکیل حیدر وحید ایڈووکیٹ نے کہا کہ میرے مکل ابھی تک معصوم ہی ہیں۔بعدازاں سندھ ہائی کورٹ نے نیب کو کیس منتقلی سے متعلق پیش رفت سے آگاہ کرنے کا حکم دیتے ہوئے کیس کی سماعت 21 فروری تک ملتوی کردی۔