02:29 pm
نوازشریف پر تنقید ایسے ہی ہے جیسے چاندپر تھوکنا

نوازشریف پر تنقید ایسے ہی ہے جیسے چاندپر تھوکنا

02:29 pm

شیخوپورہ(آئی این پی) پاکستان مسلم لیگ(ن) کے سینئر رہنماسابق وفاقی وزیرچوہدری برجیس طاہرایم این اے ممبرسٹیینڈنگ کمیٹی انرجی بجلی سوئی گیس وپٹرولیم نے کہا کہ قرض اور چور چور کا شور مچانے والوں نے قوم کے گھروں کے چولھے بھی بجھا دئیے ہیں. ملک میں نہ گیس ہے نہ بجلی لیکن حکومت عوام کو خواب دکھانے میں مصروف ہے مفت حج کروانے کے دعوے کرنے والے قوم کو مزید دھوکا نہیں دے سکتے۔
ایک بیان انہوں نے کہا قرض اور چور چور کا شور مچانے والوں نے قوم کے گھروں کے چولھے بھی بجھا دئیے ہیں.عمران خان قوم کے ساتھ مسلسل جھوٹ بول رہے ہیں اپنی نا اہلی اور ناکامیوں کا ملبہ پاکستان مسلم لیگ (ن)کی حکومت پر ڈا ل کر اپنے آقاں کو خوش کرنے کی کوشش کر رہے ہیں مفت حج کروانے کے دعوے کرنے والے قوم کو مزید دھوکا نہیں دے سکتیبرجیس طاہر نے کہا کہ پاکستان کو ترقی کی شاہراہ پر گامزن کرنے والے دور حاضر کے عظیم رہنما میاں محمد نواز شریف کی کاوشوں پر تنقید چاند پر تھوکنے کے مترادف ہے. پاکستان مسلم لیگ (ن)کا ہر دور حکومت ملک و قوم کی خوشحالی و ترقی کا سنہرا دور ثابت ہوا لیکن بد قسمتی سے کبھی مشرف آمریت اور کبھی عمران خان کی نا اہلی نے پاکستانی عوام کی خوشحالی کے منصوبوں پر شبخون مارا اور پاکستان کو آئی ایم ایف اور دیگر عالمی مالیاتی اداروں کے شکنجے سے نکلنے کا موقع ہی نہیں دیا. پاکستان مسلم لیگ (ن)جھوٹ اور فریب کی بنیادوں پر کھڑی عمران خان کی حکومت کو اس کے اپنے بوجھ تلے دب کر ختم ہوتا دیکھ رہی ہے۔ وہ دن قریب آچکے ہیں جب عوام سڑکوں پر ہونگے اور تحریک انصاف کے جھوٹے مکار لیڈر عوام سے بچنے کے لئے پاکستان مسلم لیگ (ن)کی قیادت کی چوکھٹ پر ہاتھ باندھے معافیاں مانگ رہے ہونگے۔