تاہم پاکستان کرکٹ بورڈ نے امید ظاہر کی ہے کہ وزیر اعظم عمران خان پاکستان سپر لیگ کا فائنل دیکھنے کے لیے سٹیڈیم آئیں گے ۔خیال رہے کہ شائقین کے انتظار کی گھڑیاں تمام ہوچکی ہے ، پی ایس ایل 4 کا رنگارنگ میلہ متحدہ عرب امارات میں سج چکا ہے ،آج پہلا باقاعدہ میچ لاہور قلندر اور اسلام آباد یونائیٹڈ کے مابین کھیلا جائے گا ، کچھ دیر قبل پی ایل افتتاحی تقریب منعقد کی گئی ، جس میں آئمہ بیگ ، فواد خان اور جنون بینڈ کی جانب سے شاندار پرفارمنس کا مظاہر کیا گیا ، اس موقع پر متحدہ عرب امارات کے وزیر شیخ نہیان بن مبارک النہیان نے پی ایس ایل کی افتتاحی تقریب سے خطاب کیا ، اس موقع پر خطاب کرتے ہوئے ان کا کہنا تھا ، کہ ہم پاکستان کرکٹ کو سپورٹ کرتے ہیں ، پی ایس ایل کے آخری میچز پاکستان میں ہوں گے، پی ایس ایل کا فائنل کراچی میں ہونے پر خوشی ہے ، اس موقع پر ماراتی وزیر شیخ نہیان بن مبارک النہیان ، وزیر اعظم عمران خان کا تذکرہ کرنا نہ بھولے ، انہوں نے انتہائی پرجوش انداز میں وزیر اعظم عمران خان کا تذکرہ کرتے ہوئے کہ ہم متحدہ عرب امارات میں پی ایس ایل کے میچز کو دلچسپی سے تو دیکھیں گے اگرچہ اس پیشہ وارانہ شدت سے نہیں ، وزیر اعظم عمران خان کا نام سنتے ہی گراونڈ میں موجود شائقین کی جانب سے زبردست ردعمل دیا گیا۔