01:14 pm
سابق کٹھ پتلی وزیراعلیٰ مقبوضہ کشمیر محبوبہ مفتی کا پاکستان دُشمنی پر بھارت کو منہ توڑ جواب

سابق کٹھ پتلی وزیراعلیٰ مقبوضہ کشمیر محبوبہ مفتی کا پاکستان دُشمنی پر بھارت کو منہ توڑ جواب

01:14 pm

لاہور(مانیٹرنگ ڈیسک) مقبوضہ کشمیر کی سابق کٹھ پتلی وزیراعلیٰ محبوبہ مفتی نے پاکستان دشمنی پربھارت کو آئینہ دکھا دیا۔ انہوں نے کہا کہ پاکستان کے ساتھ امریکا، روس، چین اورسعودی عرب کھڑے ہیں، بھارت اس وقت تنہائی کا شکار ہے، پاکستان کی سب کو ضرورت ہے جبکہ بھارت افغانستان میں سرمایہ لگا کربھی کہیں نظر نہیں آتا۔ انہوں نے بھارتی ٹی وی کے پروگرام میں گفتگو کرتے ہوئے کہاکہ جب پاکستان کوعالمی سطح پر تنہائی کا شکار ہونے کا سوچتے ہیں تو میں کیا کر سکتی ہوں؟ انہوں نے کہا کہ پاکستان کے ساتھ امریکا، روس، چین اورسعودی عرب کھڑے ہیں، کونسا ہم پاکستان کو آئسولیٹ کر رہے ہیں۔اینکر نے کہا کہ پوری دنیا میں پاکستان تنہائی کا شکار ہے، میرے پاس رپورٹس ہیں۔
محبوبہ مفتی نے کہا کہ ہمارے پاس توسری لنکا اور نیپال بھی نہیں ہے۔ امریکا کو پاکستان اسٹرٹیجی ضرورت ہے۔ ہم سعودی عرب کو دوست کہتے ہیں لیکن پاکستان اور سعودی عرب بھائی بھائی ہیں۔ اینکرٹی وی نے زہر اگلتے ہوئے کہا کہ پاکستانی وزیراعظم دنیا میں کٹورا لیکر بھیگ مانگتے پھر رہے ہیں، عمران خان سعودی ولی عہد کے ڈرائیور بنے۔جس پر محبوبہ نے کہا کہ مودی جی نے پاس کھڑے ہوکر بھیک مانگی جبکہ عمران خان نے کٹورا پکڑ کرمانگ لی۔انہوں نے کہاکہ ہمارا ملک بھارت بہت طاقتور ہو،ہمیں اپنی عوام کواس طرح اشتعال نہیں دلانا چاہیے۔ہمارے پاس کھونے کوبہت کچھ ہے لیکن پاکستان کے پاس شاید کھونے کو کچھ نہیں ہے۔جس پر ٹی وی اینکر نے کہا کہ آپ پاکستان کی حمایت کررہی ہیں تو آپ پھر پاکستان چلی جائیں؟جس پر محبوبہ نے کہاکہ بھارت کو جموں کشمیر کشمیریوں کے بغیر چاہیے اسی لیے آپ ہر مسلمان اور کشمیریوں کو بولتے ہیں پاکستان چلے جائیں۔