08:23 am
ارکان پنجاب اسمبلی کی تنخواہوں میں اضافے کے بعد یہ سب تو ہو نا ہی تھا

ارکان پنجاب اسمبلی کی تنخواہوں میں اضافے کے بعد یہ سب تو ہو نا ہی تھا

08:23 am

اسلام آباد (نیوز ڈیسک ) وزیراعظم پاکستان عمران خان نے ارکان پنجاب اسمبلی کی تنخواہوں میں اضافے پر شدید مایوسی کا اظہار کر دیا ہے۔تفصیلات کے مطابق وزیراعظم عمران خان نے سماجی رابطوں کی ویب سائٹ ٹوئٹر پر جاری اپنے پیغام میں کہا کہ ارکان پنجاب اسمبلی کی تنخواہوں اور مراعات میں اضافے پر شدید مایوسی ہوئی ہے ، پاکستان میں خوشحالی واپس آئے تو ایسے اقدام کا جواز بنتا ہے۔
انہوں نے کہا کہ ایسے وقت میں جب ہمارے پاس عوام کو بنیادی سہولتیں فراہم کرنے کے وسائل نہیں ہیں ، یہ اقدام اٹھانا ناقابل دفاع ہے۔واضح رہے کہ گزشتہ اراکین پنجاب اسمبلی کی تنخواہوں میں اضافے کا بل منظور کیا گیا جس کے بعد اراکین اسمبلی کی تنخواہ اور مراعات 83 ہزار سے بڑھ کر 2 لاکھ روپے ہو گئی ہے۔ بل کے مطابق بنیادی تنخواہ 18 ہزار سے بڑھا کر 80 ہزار روپے کر دی گئی ہے جبکہ ڈیلی الاؤ نس ایک ہزار سے چار ہزار روپے، ہاؤس رینٹ 29 ہزار سے بڑھا کر 50 ہزار روپے ہو اور یوٹیلیٹی الاؤنس 6 ہزار روپے سے بڑھا کر 20 ہزار روپے کر دیا گیا ہے۔


تازہ ترین خبریں