03:07 pm
 ہم نے بھائیوں کی طرح سمجھا مگر چینیوں نے پاکستان کی پیٹھ میں چھرا گھونپ دیا

ہم نے بھائیوں کی طرح سمجھا مگر چینیوں نے پاکستان کی پیٹھ میں چھرا گھونپ دیا

03:07 pm

اسلام آباد (مانیٹرنگ ڈیسک) ہم نے بھائیوں کی طرح سمجھا مگر چینیوں نے پاکستان کی پیٹھ میں چھرا گھونپ دیا ، ایسا کام کر ڈالا کہ سن کر سب پاکستانی آ گ بگولا ہو جائیں گے ۔۔ نجی ٹی وی پروگرام میں یہ انکشاف سامنے آیا ہے کہ چینی باشندے جوپاکستانی لڑکیوں سے شادیاں کررہے ہیں انہیں ماہانہ 40ہزار روپے ،موبائل فون اور چینی ویزوں کا لالچ بھی دیا جا رہا ہے۔ پروگرام میں شادی کرکے چین جانے والی لڑکیوں نے اپنی دردناک کہانی سنائی
۔کہانی ایک لڑکی کی ویڈیو سے شروع ہوئی پھر اسلام آباد ایئرپورٹ سے ایک چینی گرفتار ہوا جو لڑکی کو زبردستی چین لے کر جارہا تھا، تفتیش میں یہ بات سامنے آئی کہ درجنوں چینی باشندے صرف جعلی شادی کے لیے پاکستان آئے تھے۔ انہوں نے مسلمان ہونے کے جعلی سرٹیفکیٹ بھی بنائے اور اسلامی نام بھی رکھ لیے۔ لیکن ان کو پہلا کلمہ تک نہیں آتا ۔ تفتیش میں انکشاف ہوا کہ جعلی شادیاں کرکے پاکستانی لڑکیوں کو چین لے جایا جاتا ہے جہاں ان سے مکروہ دھندہ کروایا جاتا ہے، اس کے علاوہ ان کے اعضاء بھی نکال کر فروخت کئے جاتے ہیں۔چینی باشندے اس سے قبل صرف مسیحی لڑکیوں سے شادیاں کرتے تھے لیکن جب لڑکیوں کی مانگ میں اضافہ ہوا تو شادی کے لیے چینی باشندے جعلی مسلمان بھی بن گئے۔ پنجاب کے مختلف شہروں میں اس حوالے سے ایک باقاعدہ مافیا کام کررہا ہے جس نے چینی لڑکوں کے رشتوں کے لیے بینرز اور پوسٹر لگوا رکھے ہیں۔ ایسے ایجنٹس غریب والدین کو سبز باغ دکھاتے ہیں، مافیا نے شادیاں کروانے کے لیے جگہ بھی لے رکھی ہے جہاں سے تیرہ تیرہ سال کی لڑکیاں بھی برآمد ہوئی ہیں۔

تازہ ترین خبریں