11:11 am
پنجاب میں حالیہ بارشوں سے گندم کی کتنی فصل تباہ ہوگئی ؟ سب سے خطرناک خبرآ گئی

پنجاب میں حالیہ بارشوں سے گندم کی کتنی فصل تباہ ہوگئی ؟ سب سے خطرناک خبرآ گئی

11:11 am

اسلام آباد(نیو ز ڈیسک)ملک میں جاری حالیہ طوفانی بارشوں نے نہ صرف معمولات زندگی کو مفلوج کر دیا ہے بلکہ اس کے باعث کسانوں کو بھی بے شمار نقصان کا سامنا کرنا پڑرہاہے کیونکہ شدید بارشوں کے باعث پنجاب میں مجموعی طور پر ڈیڑھ لاکھ ٹن گندم کی فصل تباہ و برباد ہو گئی ہے ۔نجی ویب سائٹ ” پروپاکستانی “ کی رپورٹ کے مطابق صوبہ پنجاب میں تیز ہواؤں اور بارش کا سلسلہ 16 اپریل سے شروع ہوا اور محکمہ موسمیات کی جانب سے اسی طرح کی بارشوں کی پیشگوئی 17 تاریخ کو بھی کی گئی ہے یعنی آج بھی طوفانی بارش کا امکان موجود ہے
۔پنجاب ایگری کلچر ڈپارٹمنٹ کی جانب سے بارشوں کے باعث گندم کی فصل کو ہونے والے ممکنہ نقصان کا اندازہ لگایا گیاہے ۔2018 سے 2019 میں فصل ربی کے موسم میں گندم کی کاشت تقریبا 16.165 ملین ایکڑ تک پنجاب میں پھیل جاتی ہے جس سے مجموعی طور پر تقریبا 19.5 ملین ٹن گندن کی پیدوار ہوتی ہے تاہم موسم کی سختی کے باعث تقریبا اس سال ہونے والی گندم میں ڈیڑھ لاکھ ٹن کمی ہو گی ۔جنوبی اور مرکزی پنجاب میں کچھ دنوں سے موسم کی سختی جاری ہے جس کے باعث سب سے زیادہ متاثر ہونے والے علاقوں میں راجن پور ، رحیم یار خان ، ڈیرہ غازی خان ،بہالپور ، مظفر گڑہ ، بہاولنگر ، خانیوال ، ملتان ، فیصل آباد ، وہاڑی ، جھنگ ، چنیوٹ ، ٹوبہ ٹیک سنگھ اور چکوال شامل ہیں ۔گزشتہ چوبیس گھنٹوں میں طوفانی بارشوں اور مٹی کے طوفانوں نے خیبر پختون خواہ، پنجاب اور بلوچستان میں بڑے پیمانے پر تباہی مچائی ہے جبکہ اس کے نتیجے میں کئی افراد جاں بحق بھی ہوئے ہیں ۔ایسی ہی کچھ رپورٹ گلگت بلتستان ، کشمیر اور اسلام آباد سے بھی موصول ہو رہی ہیں ۔

تازہ ترین خبریں