06:13 am
منی لانڈرنگ کیس،کے کے ایف کی اربوں کی جائیدادیں ضبط کرنے کاحکم

منی لانڈرنگ کیس،کے کے ایف کی اربوں کی جائیدادیں ضبط کرنے کاحکم

06:13 am

تین کالم منی لانڈرنگ کیس،کے کے ایف کی اربوں کی جائیدادیں ضبط کرنے کاحکم بینک اکائونٹس سے کروڑوں روپے کی منی لانڈرنگ کی گئی،تحقیقات کیلئے ضبطی کی اجازت دی جائے ،ایف آئی اے ملزم سابق سینیٹر احمدعلی طبیعت ناسازہونے پرپیش نہ ہوئے ،درخواست ضمانت قبل ازگرفتاری پرفیصلہ 29 اپریل تک موخر کراچی(اسٹاف رپورٹر)منی لانڈرنگ کیس میں انسداد دہشتگردی کی عدالت نے ایف آئی اے کو خدمت خلق فائونڈیشن کے کے ایف کے اکائونٹس کو ضبط اور جائیدادوں کو تحویل میں لینے کا حکم دے دیا ہے ۔خدمت خلق فائونڈیشن کی اربوں روپے کی جائیدادوں سے متعلق ایف آئی اے کی درخواست پر انسداد دہشتگردی عدالت میں سماعت ہوئی ۔ ایف آئی اے کی جانب سے درخواست میں موقف اختیار کیا گیا تھا کہ منی لانڈنگ کی تحقیقات کرنی ہے اکائونٹس تحویل میں لینے کی اجازت دی جائے، بینک اکائونٹس سے کروڑوں روپے کی منی لانڈرنگ کی گئی ہے۔اس مقدمہ میں عبوری ضمانت لینے والے سابق سینیٹر احمد علی کی درخواست ضمانت قبل از گرفتاری پر فیصلہ نہیں سنایا جاسکا۔ملزم کے وکیل نے موقف اختیار کیا کہ سابق سینیٹر احمد علی کی طبیعت ناساز ہے اس لیے پیش نہیں ہوسکتے۔ عدالت سے استدعا ہے ضمانت پر فیصلہ موخر کیا جائے۔ عدالت نے ریمارکس دئیے کہ درخواست پر فیصلہ ملزم کی موجودگی میں سنایا جائے گا، عدالت نے ضمانت سے متعلق درخواست پر فیصلہ 29 اپریل تک موخر کر دیا۔ منی لانڈرنگ کیس