06:13 am
شب برات پرپانی فراہمی ونکاسی آب کے خصوصی انتظامات

شب برات پرپانی فراہمی ونکاسی آب کے خصوصی انتظامات

06:13 am

دوکالم شب برات پرپانی فراہمی ونکاسی آب کے خصوصی انتظامات واٹربورڈنے قبرستانوں کے راستوں پرزائرین کیلئے ٹھنڈے پانی کے ٹینکرکھڑے کئے کراچی(اسٹاف رپورٹر )واٹربورڈ کے منیجنگ ڈائریکٹر انجینئر اسد اللہ خان کی ہدایات پر واٹربورڈ کی جانب سے شب برات کے موقع پر شہر بھر خصوصاً قبرستانوں مساجد امام بارگاہوںاور مزارات آنے والے شہریوں کوپانی کی فراہمی سمیت قبرستانوں کے قریبی علاقوں میں و نکاسی آب کے خصوصی اقدامات کئے گئے،ہفتہ کی صبح سے ہی واٹربورڈکے ہائیڈرنٹس اینڈٹینکرز سیل کی جانب سے قبرستانوں کے داخلی وخارجی راستوں پر زائرین کو ٹھنڈا پانی فراہم کرنے کیلئے واٹربورڈ کے پانی سے بھرے ٹینکرز کھڑے کردیئے گئے تھے جبکہ زائرین اور قبرستانوں کے قریب سماجی مذہبی تنظیموں کی جانب سے لگائی جانے والی سبیلوں،مساجد و خانقاہوں پر بھی پانی فراہم کیا گیا ،قبرستانوں ،اہم مساجد اور مزارات کے راستوں پر سیوریج اوورفلو کے فوری تدارک کیلئے واٹربورڈ کی جیٹنگ راڈنگ اور سیورکلینگ مشینیں کھڑی کردی گئیں تھیں ،ایم ڈی واٹربورڈ کی ہدایات پر چیف انجینئرواٹراینڈسیوریج غلام قادر عباس اورضلعی سپرنٹنڈنگ انجینئرز نے شہر کے مختلف قبرستانوں اور پمپنگ اسٹیشنز کا دورہ کیا اور انتظامات کا جائزہ لیا ۔