10:30 am
یو اے ای سے شخص محنت مزدور ی کے بعد بیٹی کے جہیز کیلئے قیمتی زیورات لایا

یو اے ای سے شخص محنت مزدور ی کے بعد بیٹی کے جہیز کیلئے قیمتی زیورات لایا

10:30 am

اسلام آباد (نیو ز ڈیسک )سول ایوی ایشن اتھارٹی کے اہلکار نے پشاور انٹر نیشنل ایئر پورٹ پر مسافر کا گما ہوا بیگ اس تک پہنچا کر ایمانداری کی نئی مثال قائم کر دی ہے ۔تفصیلات کے مطابق شہزاد اور حنیف کا تعلق سول ایوی ایشن ویجلینس سے ہے اور وہ معمول کی ڈیوٹی پر تھے کہ اس دوران انہیں پشاور ایئر پورٹ کے احاطے سے ایک بیگ ملا جس میں سونے کے قیمتی زیورات ، نقدی اور ایک موبائل فون موجود تھا ۔
ایماندار اہلکاروں نے وہ بیگ اٹھایا اور اسے ٹرمینل منیجر کے حوالے کر دیا ۔ انتظامیہ نے مسافرکی نشاندہی کی جو کہ راس الخیمہ سے پشاور پہنچا تھا ۔ بیگ کے مالک کا تعلق سوات سے تھا اور وہ متحدہ عرب امارات میں نوکری کرتا تھا ۔ مسافر سونے کی زیورات اور دیگر قیمتی اشیاءاپنی بیٹی کے جہیز کیلئے لایا تھا تاہم وہ بیگ ایئر پورٹ پر ہی بھول گیا ۔سول ایوی ایشن حکام نے مسافر کا بیگ حفاظت کے ساتھ اس تک پہنچا دیاہے جسے دیکھ کر بیگ کے مالک کی خوشی کی انتہا نہ رہی اور اس نے حکام کا تہہ دل سے شکریہ ادا کیا ۔ ادارے کی جانب سے سول ایوی ایشن کے اہلکاروں کو ایمانداری دکھانے پر سر ٹیفکیٹس دیئے جائیں گے ۔