03:41 pm
پاکستان میں بم دھماکہ ہو گیا

پاکستان میں بم دھماکہ ہو گیا

03:41 pm

نصیرآباد (مانیٹرنگ ڈیسک) سفاک دشمنوں نے ایک بار پھر پاکستان کا امن پارہ پارہ کرنے کی مذموم کوشش کر ڈالی ہے۔ بلوچستان میں شدت پسندی کا ایک اور واقعہ پیش آگیا ہے اور بس اڈے کے نزدیک بم دھماکے کی اطلاعات موصول ہوئی ہیں۔تفصیلات کے مطابق ڈیرہ مراد جمالی میں بس اڈے کے نزدیک دھماکہ ہو گیا ہے جس میں سکیورٹی اہلکاروں سمیت متعدد افراد کے نشانہ بننے کی اطلاعات ہیں۔
دھماکے میں ابتدائی طور پر 2 پولیس اہلکاروں سمیت 3 افراد کے زخمی ہونے کی اطلاعات موصول ہیں۔ پولیس کے مطابق ابھی تک دھماکے میں کسی جانی نقصان کی اطلاعات نہیں ملی ہیں۔ پولیس نے بتایا ہے کہ زخمی افراد کو ہسپتال منتقل کیا جا رہا ہے۔ پولیس نے دھماکے کی جگہ کو گھیرے میں لے کر تحقیقات شروع کر دی ہیں۔ پولیس کے مطابق تحقیق کے بعد ہی بتایا جا سکے گا کہ دھماکہ کس چیز کا تھا۔