05:27 am
قومی اسمبلی ، سری لنکا میں بم دھماکوں  کے خلاف مذمتی قرارداد منظور

قومی اسمبلی ، سری لنکا میں بم دھماکوں کے خلاف مذمتی قرارداد منظور

05:27 am

اسلام آباد(نامہ نگار خصوصی)قومی اسمبلی نے سری لنکا میں بم دھماکوں میں جانی نقصان کے خلاف مذمتی قرارداد کی اتفاق رائے سے منظوری دیدی جبکہ اس موقع پر ایک منٹ کی خاموشی اختیار بھی کی گئی۔قومی اسمبلی میں وزیر مملکت علی محمد خان نے مذکورہ قرارداد پیش کی گئی جس میں کہا گیا ہے کہ یہ ایوان ایسٹر کے موقع پر سری لنکا میں ہونیوالے دہشتگردی کی کاروائی پر افسوس کا اظہار کرتا ہے اور اس واقعہ کی پر زور مذمت کرتا ہے جس میں 300سے زائد افراد جاں بحق جبکہ 450سے زائد افراد زخمی ہو گئےاور سری لنکا کی عوام سے تعزیت کا اظہار کرتا ہے۔دہشتگردی سے متاثرہ ملک ہونے کے ناطے ہم اس واقعہ کے متاثرہ خاندانوں کے دکھ اور درد کا اندازہ کر سکتے ہیں،سری لنکا نے کئی سال تک دہشتگردی کے خلاف جنگ لڑی اور اپنے آپ کو ایک مضبوط قوم کے طور پر پیش کیا۔ہم سری لنکن عوام کو سلام پیش کرتے ہیں اور اس مشکل وقت میں ان کی بھرپور مدد کرینگے۔ قرارداد منظور

تازہ ترین خبریں