05:28 am
غلط انجکشن،متاثرہ  بچی چل بسی، قاتلوں کو معاف نہیں کریں گے، والد

غلط انجکشن،متاثرہ بچی چل بسی، قاتلوں کو معاف نہیں کریں گے، والد

05:28 am

کراچی(نیوز ایجنسی) غلط انجکشن لگنے سے متاثرہونے والی معصوم بچی نشوا انتقال کرگئی،نشوا لیاقت نیشنل اسپتال کے آئی سی یومیں زیرعلاج تھی،نجی اسپتال میں غلط انجکشن لگنے سے نشوا کا 71 فیصد دماغ مفلوج ہوا تھا، مقامی عدالت نے معصوم بچی کو غلط انجکشن لگانے والے ملازم معیز کو جسمانی ریمانڈ پر پولیس کی تحویل میں دے دیا ۔ جبکہ بچی کے والد نے کہا ہے کہ قاتلوں کو معاف نہیں کریں گے تفصیلات کے مطابق کراچی کے سٹیڈیم روڈ پر واقع نجی ہسپتال میں زیر علاج کمسن بچی نشوی چل بسی جب کہ اسپتال کے ترجمان نے بھی اس کی تصدیق کرتے ہوئے بتایا کہ بچی کا دماغ 71 فیصد مفلوج ہو چکا تھا۔ نشوی کو 6 اپریل کو گلستان جوہر کے نجی ہسپتال میں داخل کیا گیا جہاں غلط انجکشن لگنے سے وہ دماغی طور پر مفلوج ہوگئی تھی۔غلط انجکشن کا معاملہ سامنے آنے کے بعد بچی کو 13 اپریل کو اسٹیڈیم روڈ پر واقع نجی اسپتال منتقل کیا گیا۔وزیراعلی سندھ سید مراد علی شاہ نے نشوی کے انتقال پر گہرے دکھ کا اظہار کیا، اس سے قبل انہوں نے ہسپتال جا کر نشوی کی عیادت بھی کی تھی۔ترجمان وزیراعلی ہا ئو س کے مطابق وزیراعلی سندھ کا کہنا ہے کہ نشوی کے بیرون ملک علاج کے لیے پلان بنایا تھا، دعا ہے اللہ پاک بچی کے والدین کو صبر عطا فرمائے، نشوی کے والدین کے ساتھ انصاف ہوگا۔ چل بسی

تازہ ترین خبریں