پشاور(بیورورپورٹ )خیبر پختونخوا کے وزیر خزانہ تیمور سلیم جھگڑا نے کہا ہے کہ پاکستان تحریک انصاف کی صوبائی حکومت اپنے پانچ سالہ دور کا سب سے اہم بجٹ پیش کرنے جا رہی ہے جو کہ ماضی کے برعکس صرف اعداد و شمار کا ہیر پھیر نہیں ہوگا بلکہ عوامی امنگوں کے عین مطابق صوبے اور بالخصوص نئے ضم ہونے والے اضلاع کے زمینی حقائق اور موجودہ اقتصادی چیلنجز کو مدنظر رکھتے ہوئے ایک متوازن بجٹ ہوگا ۔بجٹ میں سب سے زیادہ ریلیف عام آدمی کو دیا جائے گا تاکہ لوگوں کی مالی مشکلات کا ہر ممکن ازالہ کیا جائے ان خیالات کا اظہار انہوں نے سالانہ صوبائی بجٹ برائے 2019-20 سے متعلق منگل کے روز محکمہ خزانہ میں منعقدہ اعلیٰ سطح اجلاس کی صدارت کرتے ہوئے کیا اجلاس میں سیکرٹر ی خزانہ شکیل قادر کے علاوہ سپشل سیکرٹری، ایڈیشنل سیکرٹری اور محکمہ خزانہ کے دیگر متعلقہ اعلیٰ حکام شریک تھے اجلاس کو سالانہ بجٹ 2019-20کے مجموعی خدوخال اور اب تک کی جانے والی تیاری سے متعلق تفصیلی بریفنگ پیش کی اجلاس میں بجٹ کی تیاری کے لیے ایکشن پلان، محکمانہ بجٹ ،صوبائی اخراجات اور صوبائی محاصل سمیت دیگر مالی امور پر تفصیلی بحث کی گئی اجلاس میں صوبے اور بالخصوص ضم ہونے والے اضلاع کے ترقیاتی بجٹ کے علاوہ موجودہ بجٹ کا بھی جائزہ لیا گیا ۔ اجلاس سے خطاب کرتے ہوئے وزیر خزانہ نے کہا کہ آئندہ بجٹ میں صوبے کی آمدن میں اضافہ، اخراجات کو کم کرنے اور ٹیکس اصلاحات کے نتائج حاصل کرنے کے لیے ترجیحات مختص کی جائیں گی۔بجٹ تقریر کا ترجمہ صوبے میں بولی جانے والی اکثریتی زبانوں پشتو، ہندکو اور سرائیکی زبانوں میں عوام کے لئے مختلف فورم پر دستیاب ہوگا ۔ وزیر خزانہ