06:07 am
ملک کے مختلف شہروں میں بارش ، موسم خوشگوار ہوگیا

ملک کے مختلف شہروں میں بارش ، موسم خوشگوار ہوگیا

06:07 am

اسلام آباد ( وقائع نگار ) اسلام آباد سمیت ملک کے مختلف شہروں میں بارش سے موسم خوشگوار ہوگیا۔محکمہ موسمیات کے مطابق راولپنڈی ڈویژن میں آج بدھ کو گرد آلود ہواں کے ساتھ طوفانی بارش کا امکان ہے۔ملکہ کوہسار مری شہر اور گردونواح میں گرج چمک کے ساتھ ہلکی بارش ہوئی جبکہ سوہاوہ، میانوالی، شاہپور، دریاخان، چکوال، ضلع غذر، عیسی خیل اور بنوں سمیت مختلف علاقوں میں بارش، آندھی اور کہیں کہیں ژالہ باری ہوئی ہے۔ملک وال میں شہر اور گردونواح میں تیز آندھی کے ساتھ بارش ہوئی جبکہ سوہاوہ شہر میں شدید آندھی اور طوفان کے ساتھ بارش ریکارڈ کی گئی۔ مضافاتی دیہات ژالہ باری بھی ہوئی۔سوہاوہ کے دیہی علاقوں میں ژالہ باری سے گندم کی تیار فصل کو۔نقصان پہنچا ہے۔اسی طرح میانوالی شہر اور گردونواح میں تیز ہواں کے ساتھ موسلا دھار بارش ہوئی جس کے باعث گندم کی فصل کو شدید نقصان پہنچا ہے اور کاشت کار پریشان ہیں۔ شاہپور شہر اور گردونواح میں تیز آندھی اور گرج چمک کے ساتھ بارش ہوئی جبکہ دریاخان میں بارش کے بعد شہر کی بجلی بند ہوگئی۔ تیز ہوا سے گندم کی فصل کو نقصان ہو سکتا ہے۔ چکوال شہر اور گردونواح میں گرج چمک کے ساتھ بارش ہوئی جبکہ ضلع غذر کے مختلف علاقوں میں تیز ہواں کے ساتھ بارش ریکارڈ کی گئی۔ عیسیٰ خیل اور گردنواح میں بھی بارش اور ژالہ باری ہوئی ہے۔چار روز قبل اب بارشوں سے فصلوں کی تباہی کے بارے میں محکمہ زراعت پنجاب کی رپورٹ میں بتایا گیا تھا کہ حالیہ بارشوں سے مجموعی طور پر 6لاکھ63ہزار1سو92 ایکڑ پرکاشت کی گئی مختلف فصلیں متاثر ہوئیں۔ بارش

تازہ ترین خبریں